Mimillo o'Spezzacoscie

Je songo o'Spezzacoscie e a' capa nun è bbona
ca si me vene o'sghizzo ve manne o'Santubbono
je nun porto a'pistola e nun sò cammurista,
però cu tre parole me magno all'interista.

De 'nfami e traditori nun me faccio pensiero,
ca tanto primme o doppe l'aspetta o'cimitero,
sò gente terra terra, sonne guappi 'e cartone
je nun ' caco proprio sta gente senz'onore.

Ma che stevo dicenne? Parlavo 'e l'interista
telefoni e petrolio, pe' loro a' vita è chesta
s'accattano Adriano, Cambiasso e Materazzi
pò stanno chine 'e nciarmi, s'abboffano 'e ntrallazzi

Moratti è o'presidente ca 'e soldi piglia e dà
s'accatta tutte cose, a' forna a'dignità
chella o'supermercato ancora nun se venne
pecchè l'omme nun vale 'e solde ca se spenne.

Je songo o'Spezzacoscie e nun songo duttore,
nun tengo manca a' lira però so' nu signore
Tronchetti a fronte a me, vo' ddico onestamente
terrà na cosa 'e solde ma è sempe nu pezzente.

Si je songo nu terrone pecchè parlo in dialetto,
tu si nu capucchione cu scarpe e doppiopetto,
quanne parlate e' Napule pesateve 'e parole
nuie simme gente onesta, vuie sule mariuole.