Assaie

Che n'aggia ffà 'e n'abbraccio scurnuso e spiciariello
a te voglio cchiù assaie, fino a murì cchiù assaie
assaie assaie e nun m'abbasta maie.

Che n'aggia ffà 'e na sera ca' pizza a Margellina
Napule ma magno a muzzichi e nun è maie assaie
maie maie, Napule non m'abbasta maie.

Che n'aggia ffà 'e nu Napule che vence ogni partita,
o'voglio bbene assaie, assaie ca nun fernesce maie
assaie, cchiù assaie si poì veneno 'e guaie.

Je sò fatto accussì, pe' me sta sulo assaie
e pure si me perdo, sbattuto miezzo 'e guaie
na vita differente nun a' vulesse maie.

23:48

O' mare murmelia e a' luna m'è cumpagna
mentre aspettamme o'sole ca vene pa' cunsegna,
nun se senteno voci, nemmeno nu' rummore
stu cielo senza stelle nun me dà cchiù calore.

Pensieri malandrine me 'mbrogliano 'e cervelle
e je songo carcerato pure senza cancelle,
ma nun m'arrenne no a chesta malasciorta
e faccio o' pizzo a riso ridenne n'faccia a' morte.

Vinci (by Mimmop)

Siccome mi mancano le poesie non mi resta che recuperarle altrove.....questa la postò Mimmop prima della partita contro la Sampdoria....FOZZA NAPULE...FOZZA MIMMOP e FOZZA LUCARIELLO che oggi fa 12 ANNI ....ahahah! (ha voluto la torta con la foto del Pocho.....)



Vinci,
vinci pa vicchiarella ca sta senza pensione
e aspetta a te a' dummeneca comme si fusse o'sole
ca scenne dinte 'e vascie e appara tutte 'e guaie
comme fosse speranza ca nun furnsce mai.

Vinci,
vinci pe padri ca s'aizane a matina
e vanno a' cercà a'ciorta, vinci per Assuntina
ca fra tre mesi forse già si sposa
ca nun tene fatica e a' notte n'arriposa.

Vinci,
pe chesta gente ch'acchiappa a' vita pe' capille
pe' voce de criature da dinte 'e vicarielle
vinci pe chi trova a' felicità dinte a' nu buco
pe chi nu se vò arrenere e n'cuorpo tene o'fuoco

Vinci,
vinci pe chi mò sta luntano,
o'Messico o in America però è napulitano
vinci pe chi se pente si ha fatto quacche sgarro
e mò 'e criature soie s'è guarda areta 'e sbarre.

Vinci,
pe tutta a'gente ca nun tene cchiù niente
pe chi nun c'ha fà cchiù a sentere o'lamiento
'e na città ricca e disperata
ca almeno a te, se vò sentite aiutata.

Albero o Presepe ?(by Zebantide)

Seccia da Soverato (by Marpie)

E pur sta vota a seccia à funziunat!
'nziem a Volpi e Cassano sta for pur Camapagnar.
m'arracumann Reja, nun facimm strunzat!
Almen tre pallun, e rignimm stu panar.

Ma i pueti so ambizius, cercano tenzone,
nun c'abbastan stì suddisfazione!
Mò sicciam a Bellucci e pur a Montella,
e ce servimm sta frittat, pront int' a tiell!

E si vincimm pure chesta vota...
..Vò prumett, Soverato s'arrevota!

Una chicca di Violator....

Dal Manuale Dantesco della Cotica, cap. XVII, versi 15-18:

"...fatti non foste
pe ffà ammuina e baldoria,
ma per pariare
e siccià 'a sampdoria!"

Sampdoria-Napoli (by Lisergyco)

Come non ricordare anche questo contributo di LISERGYCO che da tempo non si fa vivo....?


Sta tutt'nu popolo ca n'parla e c'aspetta
e ce sta 'nu stadio inter' pittat e' celeste
'e napulitan, o ssaje, so' accussì, tenen fretta
e passà n'ata dummeneca cu'll'ate ammiez'a festa

Doje semmane fa 'o Friuli affunnava
aropp'a'na partita c sta ancor din't all'uocchie:
"'I ch' squadrone", cocc'run sbriugnav
"è sul 'nu cas", dicev 'nvece 'o figli'e'ndrocchie

Mo' passamm annanz', ospitamm 'a Sampdoria
caricamm 'a manett e scarfamm 'e mutur:
guagliù, chist è n'atu capitol da storia,
facimmel'ascì cu cocc punt... 'e sutur!

Tra 'na cos 'e n'ata, nun sapimm chi joc'
accummenzann a Volpi e fernenn a Campagnaro,
ca Cassan s'e stuppriat è cert e nun è poc:
ma pe'iss ce sta post int'o presepe: o zampugnaro.

Caracciolo e Montella? già sann, stann all'erta
Bellucci pur è avut n'at'avvis e garanzia:
anna scì cunciat pegg'e'll'animal, 'a sta trasfert
curnut, mazziat e pur chin 'e fetenzia

Mirante c'arrefonne 'a salut e pur 'e 'uante,
Lucchini nun se fa capac e quant cauc' allave
e mentre Sala spanteca, iastemm e va a vacant
Zenoni atterra 'o Pocho: rigore, è fallo grave!!

Palombo? nun pazziamm, n'o mannamm int'a caiola
c'a'sti part n'e vulimm l'auciell blucerchiat
quant'a Pieri, n'o arr'siamm spumpat ca carriola:
adda respirà p'e recchie a pulmun scuperchiat!

Del Vecchio, 'o dic 'o nomme: n'o tiramm sette dient
e cu chill ca remmanan ce pazziamm a tir a segno,
Sammarco è accussì fracet ca turnann a'dde parient
l'anna scustenè c'o busto e cu quatt' stecch'e legno

Castellazzi s'adda penter e iucà comm purtier,
Maggio, comm, n'ie sturiat?!? appresentiat a Settembre!
e cu 'nu Bastrini 'e meno, cà so port l'infermier,
fa ca 'a fest de durian s'e spustat 'o doje 'e nuvembre?

O'ritorno, 'e cunsignamm 'mman 'e frat do Grifone
accussì cunciat a fest, spuorc e chine 'e mulignan,
nun è mai abbastant, è over, pe piglià n'atu limone:
arrennitev, a Lanterna è rossoblù: è genoan!?!?


E pe fa saltà 'e nierv e pur'e schem' dint'e chiocche
a Mazzarri l'adda cogliere 'na moss int'a nuttat!
Accussì, guagliù, ve lassa chesta longa filastrocca:
Forza Napoli, pe' te pur'o cor s'è scuttat!?!?!

SOLO AZZURRI, NO AI BUZZURRI!?!?!

POCHO MAN (by Mimmop)

Stasera mi sento canterino e di buon umore.
Ve la ricordate la sigla dell'Uomo Tigre?
Embè, cantatte appriesso a me.....

POCHO MAN (combatte contro il male)

Grauuuuuuuuuuuuuuuuuuuuuuuuuuuuuuu Pooooooooooooochooooooooo Maaaaaaaaaaaaaaaan

Sei meliune spise po accattà
stu guaglione già ce fa sunnà
il suo nome è
'Zechiele Lavezzi
(Sottofondo) Pocho Man.....ezzi
Pocho Man........ezzi
Scarta, corre, crossa e và signà
quanne parte nun o' può fermà
è nu fulmine
Ezechiele Lavezzi
(Sottofondo) Pocho Man.....ezzi
Pocho Man........ezzi

Ritornello:

Lavezzi il Pocho
combatte contro il male
non ha paura
e vincere lui sàààààààààà
Juve e Torino
'e facimme na mappina
Roma e Milano
nuie l'amma appicciààààààà
pecchè Lavezzi
n' o' può fermààààà
Lavezzi il Pocho
non ha pietààààààààààà

Pooooooooooooochoooooooooooo maaaaaaaaaaaaannnnnnnn
Grauuuuuuuuuuuuuuuuuuuuuu

Carica !!! (by Zebantide)

Carica


Ma comm'e' stato?
E' 'na folla
miezo 'o campo
pareno mille,
nun danno scampo
fanno scintille
so sulo undici
fanno faville.
Chist'e' 'o Napule
contr'a Sampdoria
ca se centuplica
e pe' ffa 'a storia
parte alla carica
e fernesce ca gloria.

La Mitragliata (by Mimmop)

Siccome portò benissimo all' Andata, la ripropongo per il ritorno....

La CoticAuro con il patrocinio della SSC Napoli presenta:

Mimmop in:
La Mitragliata


Tribute to Mantovani

L'amico nostro Andrea segnala Mantovani
ca se piglia a' cunfrenzia con noi napoletani
e io non posso esimermi dal risponder a tono
a questo sciosciabrolo ca forse nun sta bbuono.

Allora Mantovà, che ditte bello o'frate?
ca ce sta Mimmop, pe' te mò so mazzate
Che ditte ca dummeneca vincite a casa nosta?
Enrì mò statte accorto, te s' scavata a' fossa.

Io nun sò scustumato, ma le voluto tu
meglio ca te stai zitto e ca nu parli cchiù
Dispiace solamente di essere volgare
ma tu a' prossima vota cerca di non sbagliare.

Cumencia a mitragliata, 'e nu primme pensiero
o' dedico a mugliereta ca stà cu Jerry o'nero
le piacene 'e banane e mentre stive a radio
o'nero senza scuorno asceva a' dinte all'armadio.

Passamme po' o'lavoro, ca tu ce tiene assaje
embè cu tutto o'core: puozze passà nu guaio!
nu bello fallimento oppure a'bancarotta
lo scrivono i giornali: Enrico a' fatto a' botta.

Però ce sta a' salute, te sente già 'e pensà
aspetta nu mumento ancora aggia arrivà.
Ca doppo a bancarotta, t'adda venì a colite,
o' fuoco 'e sant'Antuono, a' freva e pò a' brunchite.

Insomma Mantovà, l'è fatta propria rossa
nun ce stà niente a' fà, t'adda venì na mossa
Ognuno t'abbandona, 'ccusì tu rieste sulo
malato, senza solde e quatte pezze a' culo.

Mò stai chiagnenne o'frate e vulisse apparà
pe' lengua tenga a' spada e mò t'aggia squartà
tu pruove a' cercà scusa, a me e napulitani
a' stessa fina toia, a' fanne tutte 'e doriani.

Pecchè cumpagno mio, sta cosa già sta scritta
dummeneca abbuscate, to' ddico chiatto chiatto
e forse tu hai ragione, furnesce 3-1
però vincimme nuie, e vò mettimme n....... NON MOLLEREMO MAI NA NA NA

Preghiera per Lavezzi (by Mimmop)

Dopo quello che ha fatto il Pocho sabato sera, necessita una Protezione particolare...avete visto cosa è successo a Pato stasera...?


Oh mio caro San Gennaro, protettore de' ntrallazze
con il manto tuo rosato addefiennece a Lavezzi.

Falli, freva e infiammazione
sciò!, luntane a stu guaglione
Addà stà sempe sempe n' salute
San gennà, te faccio o'vuto
ca t'appiccio tre cannelle
pe Lavezzi a gonfia vele
e te porto n' prucessione
p'ogni gol do' guaglione.
Da maluocchi e da 'mmeriusi
ora ergiti a fortezza,
tu ce miette fuori uso,
nuie 'e facimme na schifezza.
San Gennà, sì o'meglio Santo
o' cchiù bello e tutte quante
Je t'invoco cu sta prece
tu addifiennece lu Pocho.
Accumpagnalo dinte a'porta
pesca all'anima 'e tutte 'e muorte
Chi o' vò male addà schiattà
San Genna tu sai che fà.

La gente non lo sà (by Mimmop)

La gente non lo sà,
non lo sà che Pulcinella usa la maschera
per nascondere il dolore e quella collera
che brucia l’anima, e ti consuma
come lava di Vesuvio o come schiuma
di onde nere che son lacrime
agitate da Partenope.

La gente non lo sà,
non lo sà che quell’ accento divertente
è la musica celeste di chi è timido e non sente
dentro sè altro che il mare
e la gioia sacra e banale
di vivere ogni giorno come l’ultimo
fra i problemi, in mezzo al traffico.

La gente non lo sà,
non lo sà che il tuo essere socievole
è l’istinto inconsapevole
di chi chiede solo amore,
di chi vive le paure
col sorriso stanco e umano
di chi è napoletano.