Febbre azzurra

'E vierse che me veneno sta vota
e vvoglio regala' a mio nipote,
nu criaturo ca e' nu terramoto,
se chiamma Luca, e pure lui e' devoto.
L'aggio 'nfettato, ammetto, ca passione
pe Napule o Vesuvio e po' pallone
e jesce pazzo quanno corre e segna
sunnanno 'o Pocho pure da Sardegna.
Je m'arricordo quanno 'o veco allero
pecche' 'o Napule gia' vence ddoj'a zzero
e quanno je pazziavo da criaturo
ca maglia azzurra e a palla 'nfaccia 'o muro.
Mo' ca so gruosso a freva nun e' passata
'a capa mia ancora sta malata
e chi me vene a sta troppo vicino
se tegne azzurro 'o core e pure 'e rine.

Due parole su Napoli-Catania(by Lisergyco)

Recupero questa bella poesiola dell' amico Lisergyco che approfitto di salutare ed augurargli un buon anno.

================================

'Nu vulcan contr'a n'ato:
ca prumette fiamm' e fuoco!
Mo' ce vonn''e palle e 'o ciato,
ue 'e Catà, t'amma fà 'o juoco!

L'occasion' ce n'avimm magnate,
ma mo''e vittorie stamm 'a ddiun'...
vann bbuon pur 'e gol ammacchiate:
'e spall, cu'a zell' o cu 'e tallun'!!

L'Etna sta semp' a vuttà 'a lava?
Stutammele l'ardore cu tre palle!
E po' cu 'a fantasia, c'o fatt è grav',
pigliammece 'o Vesuvio a copp'e spalle!

Nu' sul' nummariell ce pot' suddisfà:
tre punti dint'a sacca primm' ca se scose!
Nient' cchiù regal', è tiemp' e maturà...
cazzimm' e nervi saldi, scassamm' tutt' cose!

'E catanis stann' aizann' tropp''a capa?
Arricurdamm' loro ca 'a tenen 'e rapa!!
E 'nsiem'a capa facimmel' acalà pure sti 'scelle:
se n'anna ascì a int'o camp' comm'e 'o ciuccio 'e fichelle!

S'avvess'na pensà e venì a Napule in vacanza?
L'anna piglià 'e spasem' e 'e fitte dint'a panza!!'
A fine da partita anna dicere: "E che è stat'"??
E 'a risposta è sul' chesta: "C'imm arresiat 'na paliat!!"

Del resto ormai se sape: chist' è tiemp 'e influenza
e quatt' o cinc' e loro l'anna piglià cu viulenza!!
Si po' ce sta chi 'a scansa e s'a piglia cu alleria...
pe iss' aret all'angule ce sta 'a dissenteria!

'A tattica, 'a melina, barricate e catenaccio???
Quanta 'uaje anna cumbinà, pure pegg' e 'nu pagliaccio!
E' tiemp e fa valè l'orgoglio e 'a legge 'e Fuorigrotta:
l'avversarie anna schiattà e anna ascì cu l'ossa rott'!!!

Io C'ero. Grazie, Dio.