Molto
Invidiosi per
La Cotica
A
Napoli
.... e che c'era da dubitarne?
sabato 12 gennaio 2008
venerdì 11 gennaio 2008
Ecco NAPOLIFANS!
Un giorno di qualche mese fa, Qwerty mi accennò l'idea di aprire un nuovo spazio web.
Poi il lavoro, gli impegni e il solito tram tram. L'idea mi piaceva ma mancavano gli stimoli giusti.
Poi siamo andati da Riccardo ed è cambiato tutto.
Oggi su www.napolifans.com c'è il nostro nuovo blog. Quello de La Cotica rimane sempre vivo, raddoppiamo insomma e non lasciamo. Per continuare a divertirci e per tifare Napoli come sempre. Il blog è ancora un cantiere, servirà l'aiuto di tutti per completarlo, aggiustarlo, abbellirlo... Chiunque voglia collaborare non ha che da rimboccarsi le maniche.
Se ci sono degli errori scusatemi (ma ho lavorato solo di notte). Ma ho detto già troppo, andatelo a vedere e fatemi sapere. Stateve bbuono.
Pe' Kakà che se po fà
Mò co' Napule dummeneca a Milano và a giucà
tutte quanti se dumandano che se po fà pe' Kakà.
Chi vò n'atu difensore ca s'ammarca o'brasiliano
e chi dice forse è meglio ca ce pensa Cannavaro.
Je nun songo allenatore ma o'rimedio è sempe o'stesso:
o' rimedio pe' Kakà è sicuramente o'cesso,
carta igienica alla mano e vai proprio 'inte o' sicuro
tu fai primme l'intervento e po te pulizzi o' culo.
giovedì 10 gennaio 2008
L'origine dei nomi 2: il ritorno
Dopo lo studio su Maccarone, pubblicato sulle pagine della Cotica, il Prof. Mimmop ci spiega oggi l'origine del nome del pallone d'oro rossonero Ricardo Izecson dos Santos Leite.
C'avevame lassato co' nomme 'e Maccarone
quanne spiegaie a vussia ca o' nomme 'e stu mellone
s'ammesca co' ragù o serve po' scellone.
Adesso c'è il mistero del nome brasiliano
del giovane Ricardo ca stà 'e casa a Milano
e che deve il suo nome a nu sbaglio 'e mammà
ca cunfunnette o' pireto co' stimmulo 'e cacà.
La storia tragicomica ha inizio un dì d'Aprile
la mamma di Ricardo non riusciva a dormire,
cu nu panzone tanto vutava dinte a' stanza
s'eva magnato 'e vruoccole e l'avutava a' panza.
Il padre di Ricardo già stava storzellato
e addumadaie a' mugliera: che cazzo t'è magnato?
Allora la signora senza fiatar parola
facette a' primma pereta che non rimase sola.
Pecchè mitragliatrice facette de lu culo
dicenne a lu marito: sò vruoccole e fasule
e allora lu marito sempre più storzellato:
mugliè, ma a chistu figlio qua' nomme l'amme dato?
Chiamiamalo Pelè come il gran giocatore
oppur com'Adriano romano imperatore,
mia cara c'ho un idea, propr' una in mezzo a tante
chiamiamolo Toquinho come il nostro cantante.
Ma a povera mugliera nun c'ha faceva cchiù
cu 'e vruccole 'inte a panza mò aveva fà o' pupù,
però n'era sicura si' o stimmulo crescente
era voglia 'e cacà oppure n'era niente.
O' cesso era luntano, 'inte a chell'ata stanza
e intanto le partette nu movimento 'e panza,
convinta ch'era pireto s'appriparaie pa' botta
ma pireto nun'era e se cacava sotto.
Marò che rè stu fieto ca 'nfetentuto a' stanza?
dicette lu marito mentre guardava a' panza.
Mugliè, maronna mia, nun se pò respirà
a chistu bambeniello l'amme chiammà Kakà.
mercoledì 9 gennaio 2008
Don Chisciotte e Sancho Panza
Da buon napoletano, come tutti i conterranei, sono cresciuto combattendo contro i mulini a vento come Don Chisciotte e il suo scudiero, solo che i draghi della fantasia di quell'hidalgo erano in realta' mulini mentre i nostri mulini a vento sono istituzioni di fantasia come i palazzi del potere che celano mostruosi ma realissimi draghi inafferrabili e invincibili come la camorra, il malaffare. la connivenza dei politici e cosi' via. Per cui, dato questo mio carattere, affrontero' ancora una volta la sfida con la mia poesia -canzone(composta nello stile dei vecchi chanconnier napoletani, tutta doppi sensi e buonumore, spero riusciti..) contro un grande del calcio come Kaka' sperando che comunque il Napoli si comporti come ha sempre fatto in questo campionato facendoci divertire e ottenendo buoni risultati.
Se c'e' Kaka'...
Pecche' nuje a Napule tenimmo gran pacienza
se n'apprufittano, c'abboffano 'e munnezza,
sulo 'a dummeneca 'o Napule ce penza
e ce scurdammo nu' poco 'sta tristezza!
Pero'...
Kaka', Kaka',
si c'e Kaka' a toccar
la palla poi in porta finira'
ma pure, po',
si c'e' Kaka' a toccar
co' Napule nun sbaria'
ca' nun ce sta 'a che ffa',
co' Napule nun sbaria'
ca' nun ce sta 'a che ffa'.
Stu Milan a venciuto a destra e a manca
ma nun accocchia niente in campionato
po munno a stracciato a tutte quanti
sulo in casa nun fa risultato...
pero'...
Kaka', Kaka',
si c'e Kaka' a toccar
la palla poi in porta finira'
ma pure, po',
si c'e' Kaka' a toccar
co' Napule nun sbaria'
ca' nun ce sta 'a che ffa',
co' Napule nun sbaria'
ca' nun ce sta 'a che ffa'.
Tu si' 'na cosa grande pe' me !!
In un momento così tragico ed assurdo della mia amata città, voglio dedicarle questo video che ho creato "al volo" e che raccoglie le mie emozioni di Napoletano e rappresenta il mio cuore spezzato da tanto scempio...
Napoli ti amo e ti amerò sempre....
martedì 8 gennaio 2008
LA STORIA SIAMO NOI. 5
Davvero interessante questa puntata di Atlantide (La 7), devo trovarla, chi mi aiuta?
LA STORIA SIAMO NOI. 3
Questa è l'Eredità della Priora. Andate in una cazzo di cineteca e studiate sti bastardi cosa ci hanno fatto.
O' Ciuccio 'e battaglia
Sò stato o'primm'attore pe' fiabe e pe' poesie
però nisciuno o' sape comm'è sta vita mia.
Me porto appriesso o'peso e sputo sangue amaro
nisciuno a me me sente nemmeno San Gennaro,
e l'unica cumpagna è a frusta do padrone
ca nun tene rispetto de lacrime 'e surore.
Cu chi ta vuò piglià si tu si nato ciuccio
chist'è o' destino tuoio, è inutile o'capriccio.
Cussì diceva sempe a' mammarella mia
si me facea cavallo cu suonno 'e fantasia:
vulesse addiventà stallone pa' battaglia
ma songo sule ciuccio ca pa' fatica arraglia.
Me porto n'cuollo o'peso 'e chistu sfruttamento
cammino 'inte a munnezza senza fà nu lamiento,
ma o'core se ne more pe' chesta fetenzia
s'anne magnate Napule e tutta a' terra mia.
E je fosse o'ciuccio scemo ch'è nato pe' patè?
Padrò, sai che te dico, tu sì cchiù ciuccio 'e me.
Padrò, sarraggio ciuccio però capisco buono
e a me m'ha rutto o'cazzo chi mi chiamma terrone
chi c'ha sempe sfruttato dai tiempi de spagnuoli,
padrò, sai che ti dico, sò lloro 'e mariuole.
Però mò basta a chiagnere, stu ciucco cchiù n'arraglia
padrò piglia a scuppetta e portame a battaglia.
lunedì 7 gennaio 2008
Oh mia bela Madunina....
'U Milanes' ver', 'e Porta Romana,
fa 'u tif' p' l'Ambrosiana.
P''u Milan tifan' 'i terrun' e 'i cafun',
chill' d''a Brianza cumm' a Berluscon',
chill' 'e Vares', Lodi, Legnan' e Crema
e de tutt'e tifoserie è 'a cchiù scema
All' Inter, 'u Milan e 'a Juve je nun 'e support';
ma Carrar', Gallian' e Berluscon' 'i vuless' muort'
Ogn'ann' chied' puntualment' a lu Creator'
'e luvà 'a copp' 'u Pr'sep' sti tre Pastur'.
Si putess' fa a mmen' de sasicc' cu 'i friariell'
e de v'rmiciell' cu sug' 'e purp'tiell',
add'ventarria cumm' 'i Mussulman'
e r'sulvarria la cos' cumm' 'i Taleban'
e si Allah nu' teness' vergin' p''e mman,
m'accunt'taria pur' 'e tre puttan'.
Chiedarria cunsigl' a Inzagh' e Gilardin'
ca so' abituè 'e chiav'ch' e casin'.
Putarria pur' chieder' a zio Fester
c''a muglier' 'a ten' p' r'quest',
'e pallon' propio nun n' capisc'
e d'iucatur' guard' sul' 'e cosce.
Je nun capisc' ch' ce fa Gattus' int'u Milan;
iss, figl' 'e piscator' e pupulan'
a mmen' ca cu Sculli face 'a pariglia
e face pur' iss' part' da Famiglia.
Fors' ten' raggion' Berluscon'
e je so' un' de' tant' cugliun',
ma si po' cr'dev' a iss'
er' mafius', pigliancul' e fess'.
domenica 6 gennaio 2008
Tammurriata milanese
'Ntroneno 'e tamburi e saglie lu rummore
a' siente pure tu a voce da tammora
e abballa o'sangue russo, cucente dinte a' vene:
chesta nun è canzone, chest'è a' rivoluzione.
Soneno 'e tamburi e sbatte m'pietto o'core
nu battito pesante, na botta 'e nu cannone:
e chiude l'uocchie e abballa, e mai nun te fermà
vutanne tuorno tuorno ca te pare 'e vulà.
Tammorra milanese, tammorra pa' vittoria
avota tuorno tuorno e avota pure a' storia,
nun è cchiù forte allora chi tene cchiù denaro
ma chi cumbatte e ammesca o'sangue co' surore.
Tammorra milanese, abballa o'cielo e a'terra
a' voce de tamburi è nu signale 'e guerra.
Armateve 'e curaggio, scurdateve a' paura
terate fore e' diente e jamme 'ncontro o'scuro.
Ind e corn e chi t'è muort!
Ca t puozz romper e cosce, stu scem! Nun t preoccupà ca si nun c pensan sti secc amar ce penza CANNAVAR!!
'O raggio 'e sole!
Te guarda attuorno e vide
na patina e tristezza
-quase nun ce cride
ca te manca pure a munnezza
e chella bella Napule,
chillu sole lione
chella aria e festa eterna
che e' na cunsulazione.
Ca pure a ggente e' appesta
e facce sempe 'ncazzate
Milano e' proprio chesta
fatica sott'e mazzate,
pensano sulo a 'e soldi
o' tiempo e' sulo denaro
ma ce sta 'o tiempo d'ave'
e chillo e pava' caro.
Oggi e' arrivato 'o cunto
doppe tanta vittorie
ca 'o Napule v'appresenta:
pavate senza storie!
'Ncagno ve lassammo
nu bellu raggio 'e sole
e mentre ce ne jammo
canzune a squarciagole.
Na' dummeneca sera o'Meazza
Nu' juorn e' Gennaio nu ciucciariell s'avviò pe' Milan
lasciò chella città chiena 'e sole 'e speranza
pa' arrivà dint' 'a città re sold' e dda' ricchezza
strade imbiancate, fridd' e ggente ca' fuieva
tutt' tengon' che ffà
nun c'è tiempo pe' pensà
e u' ciucciariell' se guardava attuorn'
scunsulat' 'e tanta fretta,
fridd' e desolazione....
steve luntan' e sulo pecchè 'e napulitan' so' fetient'
accussì dicette nu' scem'
ca' se chiamava Tosel
senza tifosi e senza calore
dinta a na' città 'e napulitan' scagnati ro' tiemp'
'e jurnal' scrivene ca' nun' sann' campà
e so' chine 'e munnezz'
abbandunat' e scurdat' a tutt' quant'
ma ca' fetenzia 'e tutt' Italia
e nuie alluccamm' ca' nun cia' facimme cchiù
e' politicanti s' arrecordeno 'e nuie
solo quann' vene o' tiempo 'e l'elezioni
e nuie campamm' e chest' ...
ca' nu juorn ce putimme riscattà
ma quanta tiemp po' durà?
l'ammore e a' speranza 'e vedè na fint' 'e Lavezzi
ca se 'nfila dinta a' rezza
e ca' faceva arravutà
'na rummeneca assera e' Gennaio pure o' Meazza
e che faceva na' munnezza tutta chella ricchezza
ce stevano poi chilli duie scucciat' chine e sord'
abbronzati e doppiopetto cu Ronaldo e Kakà
che dicevano.... ma chi sono questi ?...e noi che stiamo a fa'..?.
San Gennà e Sant' Ambrogio se stevene a guardà
o' ciucciariell' scalpitava e nisciuno 'o fermava cchiù
Iscriviti a:
Post (Atom)
