Due parole su Napoli-Catania

Ue, pueti cari... torno a "postare" dopo un bel po' :) Ma a quanto vedo non sono l'unico che ha battuto la fiacca, eh!?!? Non vorrete mica lasciarmi solo per domani???? Su, faciteme cumpagnia!!! :)

'Nu vulcan contr'a n'ato:
ca prumette fiamm' e fuoco!
Mo' ce vonn''e palle e 'o ciato,
ue 'e Catà, t'amma fà 'o juoco!

L'occasion' ce n'avimm magnate,
ma mo''e vittorie stamm 'a ddiun'...
vann bbuon pur 'e gol ammacchiate:
'e spall, cu'a zell' o cu 'e tallun'!!

L'Etna sta semp' a vuttà 'a lava?
Stutammele l'ardore cu tre palle!
E po' cu 'a fantasia, c'o fatt è grav',
pigliammece 'o Vesuvio a copp'e spalle!

Nu' sul' nummariell ce pot' suddisfà:
tre punti dint'a sacca primm' ca se scose!
Nient' cchiù regal', è tiemp' e maturà...
cazzimm' e nervi saldi, scassamm' tutt' cose!

'E catanis stann' aizann' tropp''a capa?
Arricurdamm' loro ca 'a tenen 'e rapa!!
E 'nsiem'a capa facimmel' acalà pure sti 'scelle:
se n'anna ascì a int'o camp' comm'e 'o ciuccio 'e fichelle!

S'avvess'na pensà e venì a Napule in vacanza?
L'anna piglià 'e spasem' e 'e fitte dint'a panza!!'
A fine da partita anna dicere: "E che è stat'"??
E 'a risposta è sul' chesta: "C'imm arresiat 'na paliat!!"

Del resto ormai se sape: chist' è tiemp 'e influenza
e quatt' o cinc' e loro l'anna piglià cu viulenza!!
Si po' ce sta chi 'a scansa e s'a piglia cu alleria...
pe iss' aret all'angule ce sta 'a dissenteria!

'A tattica, 'a melina, barricate e catenaccio???
Quanta 'uaje anna cumbinà, pure pegg' e 'nu pagliaccio!
E' tiemp e fa valè l'orgoglio e 'a legge 'e Fuorigrotta:
l'avversarie anna schiattà e anna ascì cu l'ossa rott'!!!

Forza Azzurri

'O libbro 'dda vita

Per i veri tifosi di calcio questo e' un periodo amaro, pieno di inutili parole e gesti senza senso. Questa poesia e' un invito a vivere facendo meno rumore e piu' attenzione nelle proprie azioni, cosi' da dare loro piu' peso e rendere piu' leggero il tempo che viviamo.



Dint'o libbro 'dda vita
'e ppaggine se scrivono
nu juorno dopp'a n'ato,
cu 'e nummeri signati
sulo a pagina fernuta.
Tale ca nun se sape
qual'e l'urdema paggina
addo' sta scritto 'a fine
ne' quale sarra' 'o juorno
ca nun vedarra' matina.
A vvote stu racconto
overo t'appassiona
e mmieze 'e ddeta sfilano
'e fogli a uno a uno
ca manco te ne accuorgi.
Invece a vvote lieggi
senza ce fa caso
ma si po tuorn'areto
pe ccapi' ch'e' stato
tutto e' cancellato.
Allora,si', capisci
ca o' libbro primma o doppo
adda' ferni', pircio'
e' mmeglio ca t'o 'mpare
parola pe parola,
pecche' chesta lettura
a faje na' vota sola.