Chello ca vulesse dicere...

Liggenno tuorno tuorno,
fra paggine 'e giurnale
siti, blog e forum
je ve vulesse dicere
nu poco, aumm aumm,
ca chesta litania
'e Napule cagnata
e' proprio 'na strunzata.
Mo' vengo e mi spiego:
certo non lo nego
ca 'e giovani cu 'e viecchje
manco cchiu' se guardano
passano dint'all'uocchje,
ca 'o mare e' tutto spuorco
ca ll'aria fete 'e gas,
ca 'o sistema fa 'o muorto
pe ffa 'e denari assaje,
ca stanne tanta guaje,
e nun se fernesce maje!
Ma pure, 'nzieme a chesto
c'e' sta 'na granda storia,
nu popolo chiu' onesto
ca nun fernesce in gloria,
artisti cu 'e scienziati,
poeti cu surdati,
feste e tradizioni,
ritruvati e invenzioni,
musica, canzoni,
posti belli a miliune,
ca mise a n'ata parte
facessena na' festa
ogne juorno da semmana.

'A taverna AZZURRA

Cari amici, comme state?
Ddoje semmane so' passate
senza ca dicesse 'a mia!
Cerco scusa 'a cumpagnia,
ma ve veco sempe allere
pircio' sto senza penziere.
Chest'e' 'na taverna antica
addo' l'arte vene amica
cu 'nu sport ch'e' 'na passione:
cca' sta ll'arte d'o pallone!
Assettateve!Bevite!
Cca' nun serve mai l'invito,
nun facite cerimonie,
dint'a chistu manicomio
nun se 'nserra maje 'o purtone!
Ma si dint'o manicone
tiene 'a serpe ca se nguatta
pecche' 'o core tuoje nun sbatte
pe stu Napule lione,
sulo pe ll'educazione
ca m'ha dato sta nazione,
ue', te dico- vide buone
addo vaje mettenno 'e piedi
pecche' certo primm'e sera,
quacche guaio gia' l'haje passato:
chesta Cotica ha sentenziato!
Ma si tiene azzurro 'o sang,
tu appartiene a chistu rango,
a cchiu' bella nubbilta'
dint'o core de sta citta'.

O' mare e o' cielo se 'ncontrano a Caracciolo (by Mimmop)

O' mare e o' cielo se 'ncontrano a Caracciolo

e a luna arriva zitta cu 'e stelle ca accumpagnano

pe' dà a' cunsegna o'sole ca se ne torna a Nisida

e Napule s'addorme stutanno luci e traffico.

Silenzio cantatore le canta a' ninna nanna,

pe' miezzo 'e vicarielli ce stanne sule 'e panne

fuiute de balcune mò corrono a fà festa.....