'O raggio 'e sole!

Te guarda attuorno e vide
na patina e tristezza
-quase nun ce cride
ca te manca pure a munnezza
e chella bella Napule,
chillu sole lione
chella aria e festa eterna
che e' na cunsulazione.
Ca pure a ggente e' appesta
e facce sempe 'ncazzate
Milano e' proprio chesta
fatica sott'e mazzate,
pensano sulo a 'e soldi
o' tiempo e' sulo denaro
ma ce sta 'o tiempo d'ave'
e chillo e pava' caro.
Oggi e' arrivato 'o cunto
doppe tanta vittorie
ca 'o Napule v'appresenta:
pavate senza storie!
'Ncagno ve lassammo
nu bellu raggio 'e sole
e mentre ce ne jammo
canzune a squarciagole.