La febbre del sabato sera

'A freva.

Simmo peggio da malaria
cu nu muorzo ve 'nfettammo-
pure peggio de zanzare
nuje sciamammo dint'all'aria.
Manco passa nu minuto
ca ve vene 'o male 'e capa
e na freva v'e' sagliuta
(aro' vene, nun se sape).
Meza squadra dint'o lietto
chesta pare 'na jattura
pe chi tene 'a croce in pietto:
sarra' figlia da paura?
Interisti, nun tremmate,
quanno 'o Napule va a S.Siro-
quanta scuse ca cercate
"nun c'a faccio, nun me firo.."
tanto 'o mmeglio vene appriesso
quanno 'o Napule ve leva
e tre ppunti ambresso ambresso:
tanno si' ca jate 'nfreva.