Cagn'o juorn', nun cagn'o rituale

E pensav' a quant'ann' è ca nun saglimm
là addò nun ce sta 'o mare e tir'a nev'...
Sul 'o ricordo e te saglie pur 'a frev':
ce sta quas' cchiù sfizie e chill'e primm'!

N'o putimm' negà, n'imm avut'e pan'ttun,
cocc' strusciol però pur' l'amm lassato,
ma int'a chistu mument' nun guardamm 'o passato...
azzurr è o cor, magliett, cazone e caz'ttun.

'O biscion è putent, ten 'e sord e 'e campiun
cocc' cunt' "ammacchiat" e 'o scudett 'e carton,
p'o ciaccà ce vuless 'na squadra 'e scurpiun
c'o 'ppizzas' p'o piett fin 'a 'ngopp'o m'llon!

Vaie, vuttame doje seccie e str'gnimmec'a ccorte,
cucculammec 'a ciort e scandimm 'o rituale:
l'Accademia è speciale quand l'at' è cchiù forte,
add'vent 'nu coro, na malìa spirituale!

Julio Cesar 'na vot iev' facenn 'e 'uerr'
mo è assaje si nun pigli' quatt' sciuliat 'nterr,
Còrdoba è 'nu razz, chest l'imma appurato,
ma nun va accussì fort si po' joc' sciancato!!

Samuel s'affatica, se sbatte e se stira
fin a quann e pazzià propr' cchiù nun se fira.
A'ntrasatt' 'a nutizia: nun ce sta Maxwéll:
int'a notte 'o prurit 'o pigliaie sott'a 'scell!!

Stankovic e Adriano già 'e verimm p'a via
e se fa nu week-end int'all'infermeria,
p' Cambiasso a' partita accummenz''nsagliut'
e tra botte e svariun' par 'o ppan spugnut!!

Figo perd'a pacienz e 'nu sacc' 'e pallun
po s'addon ca ten doje vescic 'e tallun,
Cesar tras'a ffa male cu o' per 'a martiell
e s'n'aesc' a int'o camp p' 'na somm' e cartiell!!

A Maicon, chi 'o ssape: certo 'a ciort o graziass'
si over 'o final contr' a nnuje nun pazziass'.
Cruz è omm' ca tras' e risolve 'e prubbliem?
ue, s'avessa p'nsa c'ava a fà contr'e sciem??

Crespo resta a 'diun, nun controll 'na palla
e ce crer': se tocc' ogni tre e doje n'a spalla.
Pe' Mancini è nu uaje, ce sta e cchiù!! N'atu cazz:
sì, pecché se sd'nocchia pur 'o nir, Suaz(z)!!

Nu p'rtus int'o per' Ibra già s'o 'rritrov...
c' facimm? 'o rischiamm, 'a facimm sta prov?
Je no saccio, 'ngopp a chest ita scegliere vuje:
quant'a mme, si pazzea, 'e purtus so dduje!!

Ue, 'o tiempo è vvicin e v'rimm e sta pront'
ca niscun è dispost a se dà 'e bott 'nfront!!
E si a Moratti se ne scenn 'a vucella p'o 'rraggio
nuje tifamm p'o Napule e pigliamm curaggio!