A man' a man' (di tutto un po' aspettando il Genoa)

E 'na manella 'ncopp'o core
s'a putess'n pur' passà
'sti guagliunciell senz'ammore
pe 'sta maglia, pe 'sta città!

Comme 'a 'nu suonn sp'zzat int'a notte
comme 'a nu ciore strappat d'a terra,
chest' è lotamma ca nun se ne fotte,
s'arma 'e 'gnuranz e parte p'a 'uerra!

E 'na manella 'ncopp'a front
se l'avessa prop' schianà,
chistu jurice ch' sta semp' pront
a ce scoser sord e onestà!

Comm'a 'na legge fatt'a cummann
comm'o sciacall accuvat' int'o'scur',
chist cu'e cart s'adop'r e s'affanne
e ne cumbina cchiù cotte ca crur'!

E 'na manell e cchiù 'mmiez 'e pacche
facess bbuon a s'a sistimà
tutt sta ggent c'o cchiumm int'e sacche
ca dint'o Palazz cuntinua a tramà!

Comm'a nu rancio ca vommec 'a tel
comm'a nu fumm ca 'ntosseca l'uocchie,
chest è clientel cu'o vizio e cu'o pel...
parol 'a schiover' e nas'e P'nuocchie!

E 'na man dint'all'ata man
s' fosse strignut cu gioia e lealtà,
pecché quann' l'ospite è genoan
nun ce ponn' essere seccie a vuttà!

Comme a duje frat' luntan e alliat
comm'a 'na stell ca brilla a vint'ann:
però, rossoblu, po' nun va pigliat
s'je sul' p'o Napule vac' priann!

FORZA AZZURRI