Un po' di autocritica

Vedendo il bel video della canzone, che Mimmo ha postato, ho rivisto la bellezza della citta' ma mi e' venuta anche un po' di tristezza a pensare che il carattere della gente e'peggiorato, c'e' molto piu' egoismo e strafottenza, correndo dietro a una societa' di consumi che consuma senza gustare, inghiotte e dimentica.
Un raccontino a tal proposito, poche righe in vernacolo, perche' per me scrivere nella nostra lingua e' un'esperienza nuova e affascinante.





A dda passa 'a nuttata

Fore 'a fenesta 'e ffronne murmuliavano p'o viento, ca siscava chiano e fforte, comme se chiammasse pe ccerca', lamentannose 'e nun truva'. Nun riuscevo a piglia' suonno, 'o lietto pareva nun se fidasse 'e me tene', je m'avutavo e me ggiravo continuatamente, cercanno 'e m'appusa' senza' da' fastidio, pe me addurmi' nu poco. Mmiez'a sta notte ca faceva 'na veglia 'e turmiento, je cercavo nu' postariello arreparato dint'e penziere mieje, cavero e ddoce, ca me facesse arrepusa', accussi' turnaje a chella bella chiacchieriata dint'o bbar 'e stammatina, je e ttre ccumpagni 'e tutta 'na vita. Mentre co' penziero turnavo a chelli chiacchiere allere, 'nu rummore me facette zumpa 'a dint'o lietto e quanno arapette a porta 'e casa pe vvede' chi fosse, me truvaje annanz'a mme 'nu criaturo ca chiagneva cu ll'uocchje 'nterra e 'a capa vascia, e priesto mo tiraje 'a sott'all'acqua.
"Che ce faje mmieza 'a via a chest'ora, a cchi si' figlio, a cchi appartieni?"
Ma chillo nun rispunneva. Allora je ascette fore sott'all'acqua pe vvede' si ce stesse quaccheduno areto a isso, cercavo attuorno senza vede' a nisciuno. Ma, quando m'avutaje pe turna', 'a porta se chiudette 'nfaccia a mme - 'o viento, o criaturo, mo chi 'o ssape?
Avevo voglia 'e tuzzulia', sempe cchiu' forte, 'o criaturo nun me arapeva e 'e 'mposte de feneste steveno chiuse, accussi' doppe nu poco me facette capace ca nun ce steve niente 'a fa ca cerca' ajuto, pecche' cu chisto 'cca ddinto nun putevo sape' comme jeve a fferni'.
M'avviaje po' parco currenno pa paura'e chissacche', 'e ppiante nere dint'a nuttata 'e trupea facevano zumpa', e co core pe ll'aria arrivaje a 'na casa. Alluccanno a fore canciello pe me fa senti', me parette 'e vede' n'ombra areto a 'na fenesta, cchiu' alluccavo e cchiu' l'ombre s'agitavano p'a casa, ma nisciuno veneva a m'arapi'.
Me rassegnaje a ccerca' appriesso, ma 'a stessa storia se repetette eguale, addirittura 'a terza casa 'na voce a dint'o scuro minacciaje "Jatevenne, si no sparo!" Disperanno, attuorno nun vedette ati ccase e allora m'avviaje pe 'na strada nova, camminanne pe paricchio tiempo, ma senza truva' niente.
Tutto 'nfuso e stanco, me fermaje sott'a 'na pianta 'e quercia, m'assettaje pe me arrepusa' nu' poco e chiudette ll'uocchje pe pute penza'.
'Nu tronolo me scetaje 'ntrasatto, facenneme zumpa a dint'o suonno:m'era addurmuto e me scetava 'e bbutto! Ma allora m'addunaje ca steva dint'o lietto, era stato tutto nu suonno, 'nu suonno amaro- e mmo' chi puteva durmi' cchiu?
'A veglia furzava 'a capa a arragiuna', accussi' mmiez'a mille penzieri, uno truvaje 'a via da verita': 'o suonno alluccava disperato, ca 'a Napule 'e sti tiempe nun e' comme 'na vota, nun sape cchiu' a pieta', a fatta 'e preta 'o core, campa d'egoismo e de malvaggita'.