Regalo a sorpresa

'O franfellicchio



Curreva 'ncopp'all'evera 'a nutizzia,

e areto ruciuliava 'nu pallone,

e ciente piede attuorno a c'abballa'.

Jucanno mmiez'o campo se sapette

ch'era arrivato pure 'o franfellicchio

chi e' e chi nun e'- nun se capeva,

ma 'a voce scunfinata s'era spasa,

pe cchiese e pe palazzi antichi 'e Roma

'nfino a dint'o stadio da citta'.

Guardannose dint'all'uocchje 'e giallorossi

truvavano 'a paura all'aspetta'

senza sape' pecche' e quanno fosse

sentevano ca nun ce steve cchiu' da che ffa'.

Chille do' Napule invece s'a redevano

penzanno ca si 'a Cotica sicciava

'o franfellicchio certo po' arrivava.

E fu accussi' ca 'a fine da partita

primma ca l'arbitro siscava 'o pari

'a palla sciulianno a mano a Curci

fernette dint'a rezza lupacchiotta

e tutt'a ggente sentette o franfellicchio

e se 'nfila' aret'o romanista

ca perdette e punti e ppur'a vista.