O' juorno da partita: Casa P ore 10:06

Je mò ve chiedo scusa a tutte quante
ma ve voglio cantà chesta canzona,
e pure ca nun songo nu cantante
je faccio cantà o'core ca mai stona.

O'sole splenne e scarfa sta jurnata,
mammà co' sbattipanne fà o'tamburo
e fratemo accumpagna la sunata
sbattenne co' martiello n'faccio o'muro.

Cu tutto stu rummore nu se pò arrepusà,
cuscino n'coppe 'e recchie je vulesse durmì
ma pò sona o'telefono ca pure vò cantà
papà pò fà l'acuto: Te sosere Mimì!

Ce sta a'accumpagnamento sunato do'cafè
pippeia la machinetta pi pi pi pi pì.
Ma che bella canzona, comme me piace a me
vulesse overamente ca n'essa mai fernì.

Pecchè o'finale overo è na bella sorpresa:
a'nnammurata mia m'aspetta 'inte o'tinello
pe' ffà felice a me, da terra calabresa
se n'è venuta a Napule a' cantà a'canzuncella.