VESUVIO CONTRO ETNA

Dopp'o fermo 'e 'na semmana
sento ca me saglje 'a smania
pecche' 'a squadra gia' s'allena
p'a trasferta d'o Catania.
Robba tosta 'e rossoblu'
sanno fa nu bello juoco
specie in casa dann'e cchiu'
e 'e partite song'e fuoco.
Ma pecche' sti maraviglje?
Simmo frate de scintille
de tizzune simme figlje
e da lava e de lapille.
Simmo figlje a dduje vulcani
ma si l'Etna e' cchiu' gruoss
'o Vesuvio(manc'e cani)
po' se sceta e ffa 'na mossa
comm'a squadra dopodomani
po' ve rompe tutte l'ossa
dint'a 'na sbattuta 'e mani.