Ogni limite ha una pazienza!

Chesta 'a dedico a Prandelli,
'o misterr da nazionale
italiana, "dei fratelli"
dice l'inno: che rinale.
So dduje mise c'a Marcello
nuje l'avimme salutato
cu e' pernacchi e 'e cuppetielli-
chillu grande scurnacchiato.
Ogni scusa vene bona
pe' chiamma' a quaccheduno
de strisciati o do Verona
ma si 'a maglia azzurra tene
nu difietto sempe 'o trova:
chist'e' luongo e chill'e' curto,
o ce vo' nu mese 'e prova
ma fernesce sempe stuorto.
Mio Prandelli je t'avverto
'a pacienza sta fernenno
cca' tenimmo l'uocchje apierte
e nisciuno sta durmenno,
'a passione e' ancora seria-
pe l'Italia cca' se tifa-,
ma si 'o Sud se sfasteria
po fernesce ca ve schifa.