Napule è

Gli ultimi 6 anni, l'ho vista così.

Napule è a' pizza a portafoglio addò Michele
è a gente ca doppo te cunosce e primme te vò 'bbene,
è a Chiesa 'e Santa Chiara primma 'e fà l'esame
è na preghiera scurnusella ca chiamma a San Gennaro.

Napule è o' burdello pe' coppe o' Rettifilo,
me tira o' riso a vocca pure si o'juorno è niro
tenenemme pa' mano me porta all'Università
e je me sento cuntento senza me lo spiegà.

Napule è Rituccia fora a' Cappella co' piattino
ca cerca l'elemosina ma pe' mme è na Riggina
e m'amparato chello ca a 'scola nisciuno po' spiegà:
ce sta prima a' famiglia pò vene a dignità.

Napule è na festa ca nun ce vò l'invito
è comme a nu Natale ca dura tutta a' vita,
è comme a vicchiarella c' ha visto o' bene o 'male
e mò a' coppe o' balcone s'aspetta a sfera 'e sole.

Napule a me m'ha vuluto bene
e quella ca songo je, primme ommo e pò duttore
o' merito è veramente tutto o' suoie.

Te voglio bene, bellella mia.
Te voglio bene e da ccà nun me ne vaco maie.
C'amme spartuto a gioia, mò ce spartimme 'e guaie.