Nu' poco 'e manodopera

Saglite, miei cari siculi,
vestuti 'e rosanero,
'a terra fra Torre e Bacoli
e' meglio 'e 'na miniera.
Nuje ve sapimmo accogliere
pecche' ve simmo frati
piccio' ve mannammo a cogliere
sti frutti ammaturati.
Vedite ca 'ncoppa all'alberi
gia' aspettano 'e granati
sotto a stu sole cavero
ve l'ammo appriparati.
Nun ve perdite in chiacchiere
forza, menate 'e mmane
visto ca po cu 'e piede
manco ci site bbuone,
e quando sarra' dummeneca
po ce sta 'a festa 'e ballo
cu nu finale in musica
e 'na rezza 'e purtualli.
Pe' stu ricordo amico
nun v'a pigliate a male
turnammo mo' all'antico
cu Napule capitale!!!