Buona la prima...ma 'a siconda e' mmeglio!!

Quanta malasciorta c'ha cugliuto
dummeneca a Palermo dint'a partita-
nu stadio ca se chiamma 'a Favorita
po ave' sulo favori 'a nu curnuto
d'arbitro ca 'e nomme fa Rosetti-
in arte pecurone 'mbarzamato,
ca fa "addo' veco e addo' so' cecato",
a seconda d'e soldi ca ce mietti
dint'a sacca 'e stu grandissimo fetuso.
Ma nun c'arraggiammo pecche' 'a squadra
e' forte e contro 'a sciorta 'nfama e ladra
se 'mposta comm'a nu purtone 'e fierro 'nchiuso,
ca quanno 'o vede a ognuno 'a tremarella
le vene, 'a freve, 'a sciorda e 'o friddo 'ncuollo,
tanno ca pe nu mese caca muollo
penzanne a Lavezzi e a Quagliarella!