O' ritorno

Nun state co' penziero,
cumpagne 'e tanta storie,
je sto smaltenno 'e scorie
'e stu mumento niro.
'O ggenio 'e cantastorie
te passa quanno vide
ca tutto ponne ride
'ncoppa a stu murtorio,
ca 'e seccie passaguaje
stanno avenno 'a meglio,
'ncoppa a nosta maglia
ca nun vence maje.
Ma mo', facimme 'e corne,
m'o ssento dint'e vvene
nisciuno me mantene
e' l'ora d'o ritorno.
'O vvide dint'all'uocchje
'e chisti jucature
'o segno ca 'o futuro
se scorda de maluocchje
ca s'arape e squarcia
'ncielo sta trupea
'a gente s'arrecrea
e se rimette in marcia
cchiu' fforte d'o ppassato
cantanno p'e vittorie
cu nuovi onori e glorie:
'o Napule e' turnato.