L'abbunamento

O'mese 'e Luglio ce sta chi corre o'mare
chi torna addo 'e parienti e chi addà faticare,
chi tene li pisielli se parte che criature
e chi sta senza a' lira s'arrangia a Varcaturo.

Però a mità do mese vene sta ricurrenza
e pure a' meglia spiaggia ce sta chi nun a' pensa,
e torneno o' San Paolo curreno o'botteghino
na mano tene 'e solde, chell'ata o'tesserino.

Nun è questione 'e lira, è sulo sentimento
e pure o'disperato vò ffà l'abbunamento,
ce sta chi se fà o'debbito e chi 'mpegna a'pensione
a' cosa necessaria è se vedè o'squadrone.

Signori altolocati si siedono in Tribuna
però ce vonne 'solde ca nun tene nisciuno,
pirciò cu mità prezzo è meglio a' ffà na Curva
pure si sto o'burdello e a'gente ca disturba.

Pecchè a' primma partita, pezzente o milionario
simme tutti tifosi annanze a stu sipario,
e nun conta o'settore o 'e solde cha tu è spiso
ma sulo o' sentimento ca pure tu c'è miso.