Simme figli da lava

A vvote me dimanno quale sarra' a raggione
pecche' a ggente 'e sta terra magna pane e pallone,
quala sciorta sta scritta dint'e senghe da mano
'nfaccia 'e porte de case, e vicino o luntano
gia' se passa una voce, una musica sona,
'a canzone do core ca tremmanno appassiona,
je nun saccio 'o mutivo ca ce porta 'mbaranza
a suffri' pe na squadra, ca te torce dint'a panza
pecche' e' 'o specchio de sta terra, addo' ogne percuoco
costa lacrem'e sanghe, chesta e' a terra do fuoco.