Ce stanne cierti vvote ca è meglio a nun parlà

Ce stanne cierti vvote ca è meglio a nun parlà
pecchè quanne staie stuorto nun se pò arraggiunà,
e si a' meglia parola è quella ca nun dici
a lengua 'e muzzecà si parli cu ll'amici.

Je, o'Napule, è na vita ca nun l'aggia lassato
pecchè me degne o'core, pecchè sò 'nnammurato,
e proprio chist'ammore ca è comme a' malatia
mi dice ca n'abbasta sultanto na' poesia.

E' stato overo bello stu giuco appassiunante
ma forse pe' parole n'è chisto cchiù o' mumento,
pirciò mò vaco o'stadio per alluccare forte:
nun è na poesia, o' ciuccio nun è muorto.

O'ciuccio canta ancora e ride pe' nu chiagnere
ma contra all'Udinese stavota torna a vencere,
e no pe' na poesia, na seccia o na canzone
ma pecchè o'core 'e Napule è o'core è nu lione.