Napoli-Parma

Guagliù, e ch'avimma dicere... venimm' a 'na batosta...
'o signal ca 'a capa nun sta semp' fresc' e tosta!?!?
Po', fa ancora cchiù ddulor a pensà che 'e Bergamasc'
insieme cu 'o Natale s'ann' fatt' pur 'a Pasc'!!?

E mo' a 'sti Parmigian e vulimm cunsulà?
Susamiell e roccocò fin a int'e recchie anna piglià!
C'avimma accuncià 'a vocc' aropp a 'na pietanza amara:
nuje simm' abbituat a scialatiell' e calamar'!?!

Facimmel' capè ca 'a parmiggian è robba nosta:
mannammel 'a ricett e tant' augurie a mezzo posta!
Voglio vedè 'na squadra cu 'a coller int'o core,
cu l'uocchie predatori e 'e palle tutt'a for'!?!?

'O Parma adda squaglià appena scenn ammiez 'o camp'...
l'avimma piglià a muorz, avimma fà saette e lamp'!!!
Nun s'anna fa capac' e contr' a chi stann pazziann...
e quann' po' o' capesc'n, nuje 'e stamm' già mazziann!!!

A Dessena 'o piglie 'o tuosseco.. "E je sto ancora cà???
Me par'n mill'ann ca 'a maglia azzurra aggia 'ndussa!"
Coly add'vent janc' do spavient e se stramazz',
Corradi joc' pegg''e 'na mappina e pare 'o cazzo!?!?

Morfeo s'addorme e fa addurmì pe quant' sta scacat',
e Gasbarroni sent'a fitta e allucca: s'è strappat'!
Bucci nun s'areia all'erta e s'appiccica cu 'e guanti,
Zenoni e Couto nun sann' cchiù a chi prià, a tutt'e Santi!!

A Morrone 'a matina ambress s'o arricetta 'nu catarro
e Pisanu ten''a sciorda aropp a quatt zupp' e farro!?!?
Reginaldo tras' aller' e po' aesc' scunsulat'...
pe nun dicere e Cardone... mamm, e comm'è sfasulat!?!?

Jamm, è 'a sicond 'e Avvento... ce sta già addor 'e festa...
mo vulimm turnà a rir'r... forza, aizamm chesta cresta!?!?
E siccomm po' è 'o juorn ca festeggio pur' l'anne...
'o regal' è 'na vittoria.. megli'e nu bigné cu 'a pann'!??

Forza Napoli