Empoli-Napoli (by Lisergyco)

Dummeneca ca vene 'o tiatro Castellani
s' recita n'at atto 'e chistu campiunat
facimm vibbrà 'a voce e tenimm pront 'e'mmani:
se n'anna 'scì a int'o stadio scassat' e 'ntrunat!!

E' tiemp' e fa cunquist 'e part' da Toscana
armat fin 'e dient 'e tattica e 'e cazzimma.
Nu poc' comm'a iatta c'o suricill dint'a tana:
'o fatt nun è 'o suje, po' ja verè comm'è spaccimm!!

A'cchiann a lista nera, accummenzann' a Balli
ca p' nu par 'e vot sciulea carenn 'a cul 'nterra,
po', diec' rinvie ciccat e tre botte 'acopp 'e calli:
pe nun parlà e'll'asciut a cazz, uanema è na 'uerra!!!

Raggi chiagne scunsulato: c'è venut 'a tendinite
Marzoratti nun se spieg comm'o Pocho addà bluccà.
E se Adani int'a nuttat 'o ciaccaie nu colp 'e frit
a Vanigli manca a' forza: pur' a voce p'alluccà!!

Tosto? 'spiett, sul 'e nomme, ca int'e fatt è muscie assaje
s'arravoglie iss 'e o pallon e n'è cazz e s'fa annanz
e Buscè s'affanna, spatenca e fa sul 'ncetta 'e uaje,
tant'è vero ca 'o final so dulur 'e cap... e 'e panz!!!

A Marchisio o' fann sant... sì, però d'e palle perz
nunn'ingarr nu passaggie, è pigliat proprie 'a mmale
semp' megli'e Giacomazzi, ch'tra cauci aret e 'e smerz
po s'accimm, ven espulso e mett 'a faccia 'a funerale.

Ue, ma mo' è venut tiemp e parlà pur e Vannucchi,
stiv frisc, ne e guagliò, si pensav e dda fa franca!!!
T'e piaciut a magnà 'a torta e 'a te vever tre succhi??
grazio'o sischie ca po'uommeche e nun scarf manc 'a panca!

Nun va megli' poì nanetto, sì.. prop'iss, il buon Giovinco
trase int'o sicond tiemp frisc, aller e tutt arzill
ma n'o sap ca currenn c'arrefonn 'a coss e 'o stinco?
'i ch' ciorta, accussì zuopp par over 'nu cardill!

A Saudati nunn'arriv 'nu pallon, manc 'e striscio
s'arritrov sul' sul stritt 'a 'mmiez "'e francubull"
e na vot ca c'a fà... sbaglia 'o tiemp e pigli 'o liscio
n'è jurnat, sient a mme... nn'è questione 'e redbbùll!?!?

Tutt' nu fine semman 'e schemini a 'int' a cap'
t'adda server sultant pe te fa scuppià 'a cervell
sto ddicenn a te, Giggì... ma 'o final iss 'o ssap
ca nun ten sant 'nciel: forza Napoli, jamm bell!?