LA CADUTA DELL'IMPERO

Ce simmo, fedelissimi compagni,
levammoce sti prete da dint'e scarpe,
arrivano sti piecuri sulagni
cu bandiere giallorosse e sciarpe,
credennose 'e fa n'atu bottino
e se ne turna' a casa a mani chiene,
ma chesta vota nun mi ha fa' 'o ...burino-
vencimmo nuje e tu ne pave 'e pene!
Romano mio, tu si capitolino,
te siente sempe a centro 'e chistu munno
ma 'o puzzo de' denari nu matino
se seccaje e mo' ne vide 'o funno.
E' stato nu risveglio brutt'assaje
l'impero sta fernenno in disonore
cu Totti ch'e nu rre ca nun ce sta maje
e cu nu ddio 'e 'mbriacone imperatore.
Pircio' mo' lassa sta sti suonne 'e gloria
a chi e' destinato a ffa' 'o futuro,
'o Napule adda scrivere sta storia
e a vvuje ve resta sulo 'o cap'e muro.