A' FEDE (by Mimmop)

Come sempre, la puesia è dedicata a Riccardo.

Titolo: A' FEDE


A' fede è comme a' na canzone
se sente sulo a' musica ca saglie a' dinte o' core.
Comme o'mare nun sai addò va a' furnì
comme a' notte nun sai si passarà.

A' fede o' ce sta o nun ce stà
nun è passeggera, nun ta può accattà.
A' speranza, o desiderio, a' vote vene e a' vote và
ma a' fede è sempe a' stessa e resta sempe llà.

Ce sta chi a' fede a tene a' Dio, a' Maronna
ce sta chi crede a Padre Pio, ognuna tene a' soia
Ognuno tene fede a' quacche cosa, crede.
A'fede, insomma, è na' canzone ca se sente pure si nun se vede.

Je tengo fede o' Napule, ormai so' tant'anne
nun me sò mai tirato arreta, nun aggiò mai traruto
ma nun m'aspetta ricunescenza, ne titoli, ne onore
a' me m'abbasta sulo o' Napule dinte o'core

L'attesa (by Zebantide)

Napule e' 'a citta' do rummore,
de vvoci a tutta voce,
de discoteche a quatto rote
mmiezo 'o traffico 'ncazzato.
'E ppicciche da ggente mieza 'a via
so' parte 'e tiatro recitato
pecche' 'e parole serie so' quete
e nun fanno rummore.
'O rummore te stona,
te pierd'e te scuorde dint'ammuina,
ma, si putisse, 'stu sabbato e matina,
cala' sti vvoci fino a zero
chianu chianu, saglienne d'o silenzio,
sentisse nu' rummore in sottofondo,
nu' fremmere de lastre, liggiero,
'o viento 'e fa cu ll'aria suttile nu suspiro.
Sentisse l'aucielli luntano
'e se passa' na voce,
murmulia' 'e fronne cu 'e case,
cu nu suono scuro e ddoce,
e -cchiu sotto- 'e panne spase
bisbiglia' allere sti parole:
Stasera,
ce sta 'o Napule .....!!!

L'ammore pe' chesta terra (by Zebantide)

A vvote me domando
quale spirito s'annasconne
dint'e' ppieghe e' na' bbandiera
che scioscia, scioscia forte
e canta sempe allero.
S'allumma dint'all'uocchie
e' nu criaturo spuorco
ca areto a nu' pallone
sonna ma sta scetato
S'arape dint'e' vvoci
de' canzoni noste
ch'e' musica e' nu' popolo
ca chiagne mentre ride-
qua' spirito sarra'?
Forse nu' munaciello
chistu core 'nserra
forse nu' sentimento-
l'ammore pe' sta terra.

HOMO NAPOLITANO (by Mimmop)

Pe tanta gente è ancora nu mistero,
e je pure non o' saccio si è proprio tutto overo,
però 'ncoppe a nu libro 'e religione
sta scritto, bello e chiaro, coome fui a' creazione.

O'Masto 'e tutta a festa è stato o'Pataterno
ca dinte a' na semmana ha fatto cielo e terra,
ha fatto boschi e prati, o' mare e pò 'e muntagne
comma a la casa soia facette chistu regno.

Ma, vuje o'sapite bbuono, o'regno vò o'signore
e allora o'Pataterno facette o'brutto errore
di dare Sua fiducia a un giovane ragazzo,
Adamo era il suo nome ma già nascette pazzo.

Adamo, puveriello, n'sapeva cheva fà
sul'isse miezze 'e scignie, accuminciaie a 'ncuccià
O'Pataterno allora, vulette dà sullievo
e cu na custatella facette pure a Eva.

Guaglio, dicette Dio, mò t'aggia sistimato
però n'facite 'e scieme: 'e mele n've magnate.
Ma a'femmena, o'sapite, è nata cacazza
a' mela s'abbuccaie e cumminciaie o'ntrallazzo.

Appena se sapette che a'mela eva sparuta
Adamo rispunnette a sta telefonata
"Buongiorno, songo Adamo teniteme presente"
"Adà, sò o'Pataterno, mò ammocati o'serpente"

Adamo e la sua Donna fuietteno po' scuorno
di tutta la semmana, era o'settimo juorno
o'Pataterno stanco se facette curaggio:
"Mò faccio n'ata prova speranno ca n'è peggio"

Comme fosse n'artista, 'mpastaje cu tante amore
o' sole, a' luna rossa e goccie d'acque 'e mare
pigliaje povere 'e stelle e note 'e na canzone
e a dinte 'e mane soie n'ascette nu guaglione

A pella scura scura e l'uocchie comma a'notte
o' fuoco dinte 'e vene e o'mare stritto m'pietto,
ed il settimo giorno proprio dalla Sua mano,
nascette Gennarino, homo napolitano.

Dedicata o'pessimista...(by Mimmop)

O'pessimista è nu vestito 'e lutto,
ca' faccia appesa è scuro comm' a'notte.
O'pessimista è peggio 'e na cambiale
nun sta cuntento manco quanne è Natale.

O'pessimista s'atteggia a' prufessore
ca s'è convinto c'oggie è peggio d'aiere
Nun sape dicere doie parole 'e cunforto
si si ferito già pensa ca si muorto.

E' pessimisti ce stanno pure a' Napule
so chiuse 'e cape comme fossero vongole
si a' squadra vence so 'e primme a festeggià
ma aspettano a scunfitta pecchè vonne sparlà.

A chisti pessimisti le dedico a' poesia
le manno n'ammasciata ca n'è sultanto a mia:
o' Napule è na fede ca mai nun s'abbandona
si nun l'ate capito, tifate pò Verona!!!


NON MOLLEREMO MAI, NA NA NA
NON MOLLEREMO MAI, NA NA NA NA NA

'E falle nu surriso..(by Mimmop)

Si' guardo a tutto stu dulore
a primma cosa ca me dice o'core
è si Dio 'e nuie overo s'è scurdato
o si pure isso sta disoccupato.

Me sente n'orfano è chesta Madre Terra
comme si a mammà mia, l'avesse accisa a'guerra.

Addò stai, ne Patatè, e chi te dà o'curaggio
e nun fà niente pe chi sta carcerato 'ncoppe a' seggia
e nun a' vide a'gente ca se more 'e famma
ma comme fai a mantenè sta cazz 'e flemma.

O' preveto me dice ca 'a vita è nu mistero
Io nun 'o saccio chhiù si è proprio tutto overo

Io saccio sulamente ca je ce credo o'stesso
e si nun ce sta niente, si Tu ca me fai fesso
te voglio bene Patatè ma fallo nu sorriso
e nun me fà aspettà c'arrivo n'Paraviso.

Lasciate ogni speranza.........(by Mimmop)

Lasciate ogni speranza o voi ch'entrate
ca o' meglio 'e nuie ca dinte sta 'nguaiate,
dinte a' sti vene scorre o' sangue azzurro
e a' fede nosta è forte cchiù do' fierro.

Chesta ca vuje vedite è stanza de pueti
addò o' Verona puzza e o' juventino fete,
si site pessimiste turnatavenne a' reta
ca cà currite o'rischio ca v'arriva na preta

Nuie simme tollerante cu nire, gialle e froci
ma ce magnamme a' muzzeche chi fischia contro o' Pocho
si ve piace a' pulemica non state buono ccà
pecchè dinta a' sta stanza se trase pe' tifà.

Quatt' viers 'a culur' per Napoli-Juventus (by Lisergyco)

Ue, guagliù, ailloc' 'a sfida, a partita de 'e partite
ca quann' vene 'o ssann' pur 'e mure e 'sta città!!
E pacienz' ca po chiove, fa assaje caur' o ce sta frite..
l'occasione è chella grossa, c'ja putimm' arricettà!!

Senza a ce scurdà 'o passato, mo s'adda guardà a glì 'nnanz
cu 'stu core dint'e cazette e 'o magone dint' a panza...
L'emozione è comm' 'o fil ca ce tene tutti avvint'..
chesta squadra è 'nu sp'ttacol', je ne so prop' cunvint'!

'A Signora è vecchia, è over, ma sta ccà, nun more maje
capuzzea ma po' risorge, pur ammiez a tanta uaje!??!
E' cunsiderata assaje, comm' 'a cchiù nobile piazza..
beh, a nuje nun ce ne fotte... bast' ca nun romp 'o cazz'!

'O San Paolo è 'nu vulcan, comm' 'o carr a Carn'val
stamm' stritt, simm' assaje, ma putimm' maje sta mal???
'O culor è sul' azzurr, 'o calor è sul' 'o nuost'
ca p'o nir', 'o ianc' e o gobbo nun ce sta manc' 'nu post!!

Seppellimmela cu 'e sische, affunnammela cu 'e cor'
ca di fronte a 'sta muraglia anna perd'r 'o decoro!
Ammuinamm' p'e "liun" e damm' funno a chistu ciato
simm' libber' ddo ffà.. 'a passione nn'è reato!?!?

L'omm' sbaglia... è 'na legge ca nisciun pò cagnà
ue, Buffon, e ch' n' dice e ce fa 'o pensier', jà!!
Doje o tre pap'r 'a staggione nunn'è cosa accussì grav'
si po' e faje prop' stasera, sì 'o babbà: quant' si bbrav'!!

Molinaro, e ch' t' fir'?? Sta quet', sient'a mme:
ca nisciun te sapeva... e vuliss cumparè?????
Le Grottaglie tutt' quant' o stann dann' pe rinato:
chest' è l'occasiona just' pe n'o fà turnà "abbunato"!

Stu Chiellini è omm 'e fierr, sta acciaccato ma nun molla:
ma ce pensa po' Lavezzi: dribbling, finte e s' n' crolla!
Saliahmidzic 'arur poco: just' 'o primm' tiemp e 'aesce
che tra Hamsik e Garganiello chist' ambress' 'nzalannesce!!!

Palladino nuje 'o scartai'm ca tenev' trir'c anne???
Beh, e mo è v'nut 'o tiemp do affunnà cu tutt'e panne!!!
Pe Iaquinta 'a guariggion' è sul' 'nu fuoc' e paglia....
tras'e luong' e asce stuort... chist' è prop' 'na zandraglia!!

Nocerino scimunesce a furia 'e sische dint' e recchie:
sbaglia 'e tir', s'arrevota e joc' peggi'e 'na f'tecchia!!!
N'eritema 'ammiez 'e coss' ce putess' fà sta grazia:
dint'o liett' pe 'nu mese... po' rientra contr'a Lazie!!

E 'o francese? Trezeguet... ue, comm'a mettimm 'a nomme???
chist'è bomber, stamm' attient: primm' ce bucamm 'e gomme...
po' Domizzi 'o battezza cu 'nu cauc' 'ncopp 'o braccio
e Paolino o fà 'a cres'm cu 'na bott int'o polpaccio!!!?

E Del Piero? 'o ssapimm', vene 'a casa nost' e segna!?!?
Foss' 'o tiemp' ca stavota n'o mannamm a taglià a legna??
Mo ch'e mis' pur 'a firma e se trova a ffà 'o papà...
ne 'e guagliò.. è prop' 'o cas e chelli corna e t' scassà!!

Pe Ranieri 'nu saluto, 'nu buffetto e na p'rnacchia...
cu ll'augurie ca in tribbun' pigli'o tuossec' e s'abbacchia!!
Saglie fort' 'o tifo e 'a fede, stamm' pront' comm 'e razz'
Forza Napoli, guagliù, ce vo 'a classe e ce vo 'o mazz'!!!

Cu Reja, Cu Reja (by Mimmop)

Cu Reja Cu Reja
ma comme se pareia
facimme l'impresa
chiurennece a'difesa
Nu tiro dinte a' porta
pò c'affidamme a' ciorta
nuie senza iucà
stamme già in UEF...A !!!

Dedicata o'pessimista (by Mimmop)

Questa CARICA di Mimmo è un capolavoro che ripropongo !!!



Dedicata o'pessimista

O'pessimista è nu vestito 'e lutto,
ca' faccia appesa è scuro comm' a'notte.
O'pessimista è peggio 'e na cambiale
nun sta cuntento manco quanne è Natale.

O'pessimista s'atteggia a' prufessore
ca s'è convinto c'oggie è peggio d'aiere
Nun sape dicere doie parole 'e cunforto
si si ferito già pensa ca si muorto.

E' pessimisti ce stanno pure a' Napule
so chiuse 'e cape comme fossero vongole
si a' squadra vence so 'e primme a festeggià
ma aspettano a scunfitta pecchè vonne sparlà.

A chisti pessimisti le dedico a' poesia
le manno n'ammasciata ca n'è sultanto a mia:
o' Napule è na fede ca mai nun s'abbandona
si nun l'ate capito, tifate pò Verona!!!


NON MOLLEREMO MAI, NA NA NA
NON MOLLEREMO MAI, NA NA NA NA NA

primm ra' partit (by Luca Esposito)

In ricordo di un amico che speriamo si rifaccia vivo....Ciao Luca !

---------------------------

primm ra' partit

arap l'uocchie e già c' piens
l'or pass'n e a tension sal.
fai semp e stessi gest tutt e vot,
tu ric ca nun è o'ver, ma nun s sap maje.

a sciarp a tien man,
pò ta miett attuorn o' cuoll.
l'abbonament rint a sacc,
cu stampat, nu sorris cà t' regn a facc.

arriv for o stadie e vir tutt blu
accumenc nata dummen'c,
ammor mì, arò c' stai sol tu.

fai a fil p' trasì, prepar o document,
saglie a ramp e chelli scal,
o respir ca s'allent ,
vir o verd e chillù camp cu na gioia ca t'assal.

o mument s'avvicin, a gent sta aumntann.
s'aiz o primm cor,
alluccann ca si tu
o ver ammor.

Vinci (by Mimmop)

Ho ripescato questa bellissima Puesia di Mimmop che gradirete sicuramente rileggere.... Grazie Mimmo !!!!!!!!!

*****************


Vinci,

vinci pa vicchiarella ca sta senza pensione
e aspetta a te a' dummeneca comme si fusse o'sole
ca scenne dinte 'e vascie e appara tutte 'e guaie
comme fosse speranza ca nun furnsce mai.

Vinci,
vinci pe padri ca s'aizane a matina
e vanno a' cercà a'ciorta, vinci per Assuntina
ca fra tre mesi forse già si sposa
ca nun tene fatica e a' notte n'arriposa.

Vinci,
pe chesta gente ch'acchiappa a' vita pe' capille
pe' voce de criature da dinte 'e vicarielle
vinci pe chi trova a' felicità dinte a' nu buco
pe chi nu se vò arrenere e n'cuorpo tene o'fuoco

Vinci,
vinci pe chi mò sta luntano,
o'Messico o in America però è napulitano
vinci pe chi se pente si ha fatto quacche sgarro
e mò 'e criature soie s'è guarda areta 'e sbarre.

Vinci,
pe tutta a'gente ca nun tene cchiù niente
pe chi nun c'ha fà cchiù a sentere o'lamiento
'e na città ricca e disperata
ca almeno a te, se vò sentite aiutata.

'A finale do torneo

Scrivero' d'altro, perche' sono abbastanza disgustato da quanto successo, l'idiozia dei violenti e la malafede dei potenti.
Scrivero' di quello che e' lo sport per l'animo pulito di un bambino.


Che ggioia! 'Na sfrennesia malata
me pigliaje, 'a notte 'a passaje
sunnanno cu ll'uocchje apierte.
Sentevo 'na festa 'e suoni attuorno
'a gente ca me chiammava
mentr'je currevo forte
appriesso a nu' pallone.
'O juorno po' arrivaje 'mpruvviso,
je me sussette c'a paura 'ncuorpo
ma senza maje fidarme 'e me ferma'.
'O tiempo da partita era venuto
scavanne dint'a panza nu pertuso
e je m'appriparaje pe i' a juca'.
MMiezo a tutte e cumpagne
m'annascunnevo pe' piglia' curaggio
quanno se steva accumincianno.
Sbattute e mano, strilla a luntano,
povere e surore se quagliavano all'aria,
tutta 'a passione rigneva 'e pulmune.
'A partita vulaje dint'a nu' lampo
e je me sentevo cchiu' felice
cchiu' liggiero 'e n'acquilone
'e piedi nun sentevano 'o turreno
nun me 'mpurtava 'e niente
'nzieme cull'amici je me sentevo bbuono.

Forza Napoli

Ricordate il Napoli di qualche anno fa? beh questo amico aveva fatto un cortometraggio per raccontare la EX situazione in cui versava la nostra adorara squadra...molto divertente gurdatelo!

Pacienza...

'O saccio ca e' nu suonno
ca me sto fruscianno
'o ssape tutto 'o munno
ca nun e' chisto ll''anno;
"senza ca vaje 'e pressa-
me dice 'a cerevella-
a fine e' sempe 'a stessa
si nun t'ammesure 'a palla".
Embe' che c'aggia fa-
'a capa nun e' bbona
pecche' nun se po scurda'
de tiempe 'e Maradona
e mo' vulesse ca
sta squadra-comm'allora-
turnasse a trionfa'
pe tutto 'o munno ancora.

Buon Compleanno, Mimmo!

Come si vede non sono un verseggiatore e questa non è una poesia: sono soltanto delle parole d'amore per la mia Città e un omaggio al nostro massimo Poeta che oggi compie trent'anni.



Maronn' ch' stanchezz'
m' sent' tutt' scassat'
è passat' 'n'at'ann'
e vac' annanz' a m'ricin'

Ogni juorn' pass' dopp' pass'
veng' dint' a stu vico 'ncoppa Pusillec'
m'assett' 'ncopp' nu murill' sbricciat'
stregn' 'o baston' cu 'e mman' signat' 'e vicchiaia

Chiud' l'uocchie e aspett'.

'N'aria p'sant', spessa, abbufagnat'
nasconn' 'o Vesuvio luntan'.
Napule appen' s' 'ntraved'
ca guard' scucciata nu mar' 'e chiumm'.

Nun s' sent' 'na voce
ne 'nu rummor' 'nt' a stu vico
Nun s' mov' 'na foglia
dint' 'e ciardin' ca addor'n 'e nient'.

Ogni tant' arap' l'uocchie
e guard' 'a f'nestr' semp' chius'.
Stong' sul' dint' a stu vic'.

Sul' 'na iatta scurt'cata,
c'a cap' dint' 'a 'na bust' 'e munnezza,
mastica 'na capa 'e sard'.

'L' vott' nu vriccill' p'a chiammà.
S' vot', m' guard', s'allecc' 'na zampa
e torn' a sp'zzulià.

Primm' 'e furastier'
venevan a Napule pe s' l'accattà
oggie ven'n pa risanà.

Chi vo' luvà 'a munnezza,
chi 'a disoccupazion'
ce stà chi vo' luvà 'a camorra
e chi ce vo' 'mparà a cantà
e ce stà pure chi ce vo' 'mparà a campà

Tutt' ten'n' 'a ricett', tutt' ten'n' 'a m'ricin',
ma cumm' ven'n' po' s' n' vann'.
Chelli ccure vann' bbon'
p' Rom', Gen'v', Milan'
ca so' fatt' 'e pret', cav'c' e jastemm',

ma nun so' bbon' p' Napul'
ca è fatt' 'e sangue e anima,
o' sangue 'e chi c' campa
e l'anima 'e chi nun c' po' campà.

S' n' vann' e dicen' ca Napul' è mort',
ma Napul' nun è mort', sta' durmenn'.
Nu iuorn', tutt' 'e f'nestr' 'e stu vico
s' spapanzarann'
e tutt' 'e Puet' 'e Napul' cantarrann'
l'Ammor' p' sta Città senza par'.
Tutt' 'e caiole sarann' appes' for',
'na lavannara cantarrà e s' n' vantarrà,

na vicchiarella ass'ttat' for' o balcon'
diciarrà 'e ccose 'e Ddio e
arracquarrà 'o ciard'niell' 'e test'.

'O ciel' finalment' azzurr'
car'zzarrà tenerament' 'o mar'.
'O Vesuvio jettarrà 'a cupert'
e cu l'ammor' 'nta ll'uocchie
guardarrà 'a Sirena ca s' stira
sunnacchios' vicin' 'o mar.

E je chiud' l'uocchie e aspett'.

'O friddo 'ncuollo!

Ma che de', mo' sto malato?
Je me sento 'o poco 'e freva:
dint'o lietto dint'a nuttata
'a senteva ca saglieva.
Forze troppo aggio mangiato,
-era meglio ca nun bevevo-
'o sasiccio sarra' stato
ca saglieva e po' scenneva.
O sarra' 'a preoccupazione
d'a guagliona ca fa storie
sempe pronta pa quistione
ca te lascia chesti scorie.
Ma c'o tiempo 'a situazione
gia' se fa cchiu' preoccupante
tengo 'a capa dint'o pallone
ca s'e' fatta assaje pesante.
Ah, - che d'e'- l'aggio capita!
me pareva strano 'o fatto-
chesta e' colpa d'a partita
si stu fegato se schiatta.
Accumencia sta' staggione
e in Europa nuje gia' stammo
e pe l'ansia do' pallone
nuje patimmo tutto ll'anno.
Si', ma che suddisfazioni
amm'avuto in campionato:
dalla Coppa dei campioni
sberlusconi eliminato!
Tie'!!!

A' banca

Quest'oggi non sono potuto andare da Riccardo perchè sequestrato dalla Banca per il mutuo.
Ho riflettuto, mi sono spremuto, ecco il risultato.


Raccolta presso il pubblico di frusciante denaro
chest'è a definizione de nuovi San Gennaro,
guagliò stai senza a' lira e nun c'ha faje a'campà?
riacquista la fiducia e vienece a truvà.

O'gioco è presto fatto, nun ce vò proprio niente
nuje te ne damme dieci, tu ce ne puorti ciente.
O' ntresse è comme a'pasta ca s'usa pe' ffà a' pizza
nu poco a' vota cresce e pò tu te scapizzi.

Cambiale, mutui e prestiti: la scelta è variegata
facimme nuje 'e miraculi, ate che 'Mmaculata!
La casa non è un sogno, cu nuje te può 'nzurà
la moto, la vacanza? Ma nun te preoccupà.

Però ricorda il gioco, ricorda l'interesse
variabile oppur fisso, tanto a 'nculata è a stessa
e non dimenticare ca pò tu ce pagà
si no pure a' mutanda vennime a pignorà.

Non ci portar rancore, d'altronde a vita è chesta
ca ti si nu pezzente a colpa mica è a nosta?
Nuje simme li padruni da nova società
trenta denari abbastano, pe ce ffà cummanà.

Panionos e Geppino. Riscaldamento per l'intertoto

Io sono Panionos, son figlio della gloria
e vengo dalla Grecia la culla della Storia.
Je me chiamme Geppino e nun saccio a' mammà
e vengo do' Priatorio abbascia a' Sanità.

Di madre sconosciuta, di modi da villano
il nome tuo nasconde natal napoletano?
Vussia tene raggiona, nasciette dinte o'Rione
ma si mammà era zoccola, Vussia è nu ricchione.

O turpe napoletano, ma come ti permetti?
O tu che scambi ellenici pregi per spregevoli difetti.
Scusate Santità, ma a' scola aggià fatto n'anno sulo
ma vuie comme chiammate a chi se venne o'culo?

'O cuntratto- I nuovi schiavi di Blatter.

Dedicato alla blatta Blatter, al quale non basta il mercato delle bestie le aste al rialzo che hanno creato lui e i suoi degni compari, per favorire i clubs piu' potenti,rovinando tutto uno sport. Adesso vorrebbe un far west selvaggio e senza regole dove scannarsi per il peggior brocco.


Fra li tanti cchiaje 'e stu tiempo
una nova ne e' arrivata
che era gia morta e atterrata
ma e' turnata e nun da scampo.
E' na' cosa brutta assaje
ca nun se senteva cchiu'
e' turnata a schiavitu'
'o cchiu' brutto 'e tutte 'e guaje!
A cugliuto 'e jucature
do' pallone- ah, viati
sulo chilli svinculati-
tutto 'o riesto, so dulure!
L'anno mise ca' catena
sotto schiaffo e' nu cuntratto
ca se rompe quanno schiatto
puverielli- fanno pena!
Chisti schiavi anna campa'
cu nu muorze 'e pane appena
s'anna rompere dint'a schiena
pa' fatica c'anna fa':
ore e ore e allenamento
interviste a quantita'
inaugurazioni, pubblicita'
anna correre pe' ciento.
Chesto po' a cagno de che?
na' manciata 'e fave bbone
si e no quacche melione
ville,varche e mercedes!
Si', e' overo, anno firmato,
ma ogne cosa po cagna',
tutte quante avimme magna'-
qua cuntratto rispettato!
'E che cazzo vaje parlanno
basta cu sta schiavitu'
si me daje ddoje fave 'e cchiu'
sto cu tte( forze pe n'anno).