Senza precedenti!!

Troppe vote e' andata male
sta partita e' assaje carogna
stanno comme all'animale
'ncarognuti dalla rogna.
Ma si proprio state male
ca sta rraggia nun se spogna
ve purtammo all'ospedale
per curarvi alla bisogna.
A parti' dall'allenatore
chistu Bisoli 'ngrifato
ca sta cca' da nu pare d'ore
e gia' sta tutte arraggiato,
v'allisciammo cu 'e carizzi
pe' calma chistu bollore
ddoje serrenghe 'e Lavezzi
che e' davvero un gran dottore.
Si nun ce basta, a 'o presidente
che di nome fa Cellino
quel bastardo gran fetente
ce lasciammo 'o ricurdino:
Di Cavani un gran fendente-
sardi a casa a capo chino.

Dedicata!

Ahhh, Liverpool guarda il mare azzurro
ahhh, guarda come il cielo e' azzurro!
Questi colori
vestono il mondo e la gente si accende perche'
vive in un sogno,
proprio quassu',
del nostro Napoli che lotta e vince per noi
a Liverpool
solo un grande amore
che nasce dentro al cuore
un fuoco di passione
che non si spegne mai!

......
Ahhh, Liverpool guarda il mare azzurro
ahhh, guarda come il cielo e' azzurro!.....

solo una piccola dedica su una musica che amo per i ragazzi di Liverpool e per i nostri ragazzi a Liverpool.

L'ora delle pulizie.

Supportare la protesta, affinche' ci sia un ciclo regolare di rifiuti cosi' come altrove, e non solo un business per i camorristi al governo, e' un dovere verso i propri figli di tutti i meridionali. Bonificare i siti avvelenati dai rifiuti tossici che le industrie soprattutto del nord hanno riversato nelle nostre terre e' un imperativo per chiunque viva su quelle terre. Basta merda sul sud.
Agiamo.

'O munno e' 'na rota!

Nun veco l'ora ca vene sta partita-
vuje manco immagginate quala guerra
je tengo 'ncapa pecche' ormai e' 'na vita
ca song cittadino dell'Inghilterra.
Me ricordo ca teneve nu cumpagno
'e fatica ca tifava Liverpool
mentre nuje cumbattevemo pe scagno
c'o Lanciano, 'a Pippese e 'o Cefalu'.
Ma sempe ce 'o ddicevo a stu ferlocco:
"E' vero! Nuje mo' stamme in serie C,
ma 'o tiempo passarra' comm'a nu schiocco
'e deta, e ce vedite in Champions League!
Mentre 'o ddicevo je manco ce credevo
ma 'a fede e' fede,e nun vo' sparagna':
'A squadra accappattuta je me chiagnevo
ma gia' sunnavo sta jurnata cca'!
E sulo a ce penza' 'na cacarella
gia' me squagliava 'ncuorpo pe' vilta'
ma 'o munno e' 'na rota e a vita e' bella
pecche' e' 'o Liverpool mo' a tremma'!

AL CIRCO MASSIMO

Ajere steva 'a festa 'o Colosseo
cu belve e gladiatori dint'all'arena
e c'o cronista a ffa"comme pareo,
datele 'nfaccia, voglio 'a carneficina!".
Ce steva chi cercava 'o poco 'e gloria
e chi filmava p'asci' n'televisione
penzanno 'e s'arrubba' nu poco 'e storia,
turnanno arreto a 'e tiempe do Nerone.
Che belli faccie, che bella civilta',
se credono 'e fa 'a rivoluzione
ca ogne cosa po' giustifica'
ce basta sulo na rivendicazione,
e s'ammacchia' arret'a 'na bandiera
pe' ruvina' 'a vita all'ati cristi
ma stanno tutte quante dint'a 'na schiera
so' serbi, americani o so' leghisti.

'O rre d'e' rimonte!

Se sape ca l'Inter e' troppo forte
pecche' tene tre squadre dint'a una;
'a Juve arape ogn'anno 'a casciaforte
e spenne e spanne solde a beverune.
Invece 'a Roma grazie 'e cunuscenze
s'appara sempe -'a faccia 'e chi fallette-
e p'o Milan l'arbitro ce penza
si Berlusconi 'e soldi nun ce mette.
Pe ll'ati squadre lassan'e mulliche
p'e' ffa scanna' ogn'anno comm'a cani
e a chi nu posto in Europa se fatica
c'avimma fa una sbattuta 'e mani.
Sarra' pecche' so' 'e parte- nun discuto-
ma 'o Napule sta 'ncopp'a tutte quante
pecche' fino all'urdemo minuto
cumbatte, segna e prov'a ffa 'e rimonte.
Pircio' de chesta squadra je su cuntento
pecche' nun e' maje morta e nun s'arrenne
e ogne jucatore va pe' ciento
pure si Dela 'e sorde nun 'e spenne.

Nu scongiuro p'a trasferta

Stu girone e' accuminciato
cu nu scontro aret'a n'ato
ce ne jamme a Bucarest
e cca' lasciamme tutt'e peste.
Curnicielli contro 'a seccia
da ricotta casareccia
quadrifoglio e fierro viecchio
'e cavallo p'o maluocchio,
recitammo nu' scongiuro
ca ce leva ogne fattura,
nu santino aret'a porta
vence ogne mala sciorta,
jammuncenne a Romania
cu sta bella poesia.

Chievica!!

Guagliu', dateme spavo!
Sta pe veni' o Chievo,
n'appoco me scurdavo
de jastemma'! Gia' stevo
penzanno 'e fa 'o bravo
ma mo' me saglje 'a freva
vedenno 'o gialloblu.
E' pronto gia' nu scavo
do' campusanto nuovo
pa squadra 'e chisti chiuovi
ca puzza marcia d'uovo.
'Na votte 'e vino pavo
a quanta gente trovo
si 'a rezza lloro smove
nu gol nuost 'e cchiu'!!

Tu si na malatia

Gente, sunate 'e trombe,
arapite sti porte e
scennite 'mmiez'a via
cu 'e bandiere mmano
e 'nfaccia l'alleria.
Po' munno gia' rimbomba
na voce alta e forte-
paura e simpatia
se spanne cchiu' luntano-
Napule, vita mia!
Te saglje da dint'e lombe
e si te vene 'nsciorte
e' peggio 'e 'na malia
ca da mo' fino a dimane
diventa pazzaria.
Sulo 'na cosa rompe
sta fattura 'e morte
ca l'Utrecht-comme sia-
pigliasse dduje pallune
curanno 'a malatia.

SEMPRE PIU' SU

Partimmo n'ata vota,
pe n'avventura nova,
cchiu' forti e cchiu' convinti
pronti pe n'ata prova.
Sta storia gia' m'esalta
ce sta pure l'Europa
o Juve o Liverpool
s'e fanno a sett'a scopa.
'A squadra e' quase 'a stessa
Mazzarri garantisce
ca pure in campionato
nuje ce 'o facimmo strisce-
Gargano sta arraggiato
overo 'o veco brutto
chi acchiappa mmiez'o campo
se trova 'o culo rutto.
Pure 'e guaglioni nuovi
ce mettono do lloro
pe fa forte stu Napule
pe ffa sta squadra d'oro.
Pircio' sti jacuvelle
e tutti sti lamienti
pe chi nun e' venuto
-nun site maje cuntenti-
levammelo da miezo
ca mo c'o ddice 'o campo
si overo simme forte
o nun tenimmo scampo.