Grazie!

Ehhh, nun me pare overo,
ce penzo e nun ce credo,
guardanno dint'o specchio,
ca me so fatto viecchio.
Pareva sulo ajere
c'accumminciaje 'o mestiere
ma si me vene a mente
-viato a chi me sente-
'e storie do passato
rimmango senza sciato,
e 'o core se repiglia
currenno 'a mille miglia.
'E faccie de guaglioni
cu smorfie da campiuni,
'e ccorze 'ncoppa ai campi
sfriccianno comm'a lampi,
'e lacrime 'e dulore,
'e feste 'a vincitore,
'e scherze, 'e battute,
l'appicciche e 'e chiagnute....
...ma sulo nu culore-
l'azzurro 'e Salvatore,
(pure si tutte quante
me chiammano Carmando).