Me stong'arrecrejanno!

Faciteme paria', sta squadra e' nu 'rrecrio,
m'ha fatto cunzula'- 'o giuro annanz'a Dio!
Dummeneca c'e' stat 'na festa dint'o stadio,
'a ggente ha tirato 'e sciasse da dint'all'armadio;
nu piecoro sultanto nun ha partecipato,
chill'arbitro curnuto: chi cazzo l'ha chiammato?
'A storia e' sempe 'a stessa, ma nuje guardammo annanze,
v'avimma fa veni', 'e turcimiente 'e panza,
'a scumma verde mmocca e 'a freva de cavalle,
'o fegato a quadretti e ppuro l'uocchje gialle.
A Udine-pertanto- levateve 'o penziero:
ce servono 'e tre punti pecche' facimmo overo:
pircio' state avvisati, cari napoletani
ca state in bianconero, partendo da domani
dateve malate, pe vvuje ogne scusa e' bbona
pe nun juca' cu 'o Napoli- Mazzarri nun perdona.

Il Ciuccio va sempre più su !!!!!!!!!!!!

Pesto alla genovese

Scusate si disturbo sta serata
cu vierze scuoncie e male parole
nun penzo ca vuje site vasciajuole
ma a vvote 'o caso giustifica 'a parlata.
'O caso, appunto, e' proprio sta partita
co 'o Genoa, nemmico gemellato,
ca si nun fosse quase comm'a frato
je ce dicesse: va a ffa nu poco 'a vita!
Non confondete: 'na vita degna e bella,
ma si po' penzo a quanto siete bulli,
allora je dico: grandissimo mio Sculli
viene a ffa visita nu poco a sta cappella.
D'altronde e' giusto-e signo 'e divozzione-
si s'addenocchiano annanz'a stu mistero,
se stenta a credere eppure 'o fatto e' overo,
o' Napule sta 'ngoppa a sti 'mbrugliune.
E mo' c'avite fatto penitenza
facite pure n'atto e contrizione:
'e punti c'arrubaste a settentrione
pusateli dicenne: hagge pacienza!!

Tie',tie' cicciue'... (by Zebantide)

Ogne parola sona,
saglje cu vvoce 'e tuono,
'ncielo se ferma e 'ntrona
dint' e cape da ggente.
Nasce dinto silenzio
na bella forza antica
e subbeto l'amico
fa addeventa' 'nu frato.
'A squadra e' abbituata
a lutta' cu onore
pecche' a forza 'e chesta ggente
sa porta dint'o core.

Festa azzurra (by zebantide)

Viento 'e tempesta s'appripara.
Nun ve facite suonne supierchie, calioti,
si l'aria fina gentile s'appresenta
cu nu ventariello doce: stu barzamo
carezza 'e vvoci de canzoni noste.
Pe vvuje, ca pure 'ncuollo ve purtate
addore 'e mare e 'o ssale 'int'e capilli,
stu viento po' ferni' sulo a trupea.
Ma nun facite uocchje appucundrite
si, scise mmiez'o campo, 'nu boato
v'accumpagna alleramente pa partita
e si turnanno a casa ve purtate
nu poco do ricordo e sta jurnata
pure a Livorno a festa e' accuminciata:
a Napule chi vence e' sulo 'a vita!

Fra Napoli e Torino(by Mimmop)

Comme putevo nascere a' Torino
je ca me sento 'bbuono sultanto a' Margellina,
nun è p'offesa, nun voglio giudicà
però fra Napule e Torino è meglio ca sto ccà.

E' vero o' Nord stà a' fatica e ce stanne 'e denare
ma c'aggia ffà cu 'e solde? A me me serve o'mare.
Me serve chell'addore 'e vongole e speranza
ca meglio 'e nu banchetto a me me regne a' panza.

Me serve 'e sentì e' strilli da gente miezza a'via
ce stà a chi dà fastidio ma a me fà cumpagnia,
pecchè de 'ccose e' Napule chella ca cchiù me piace
è ca nun stai mai sulo pure si o' munno tace.

No, je nun putevo nascere a Torino
e nun c'azzecca niente o'fatto juventino,
è proprio po' carattere o po' dna
e forse me capisce sule chi è nato ccà.

Nuie simme cchiù carnale e ce piaceno 'e sfizie
a vote esageramme però senza malizia,
a me personalmente fra l'egosimo e ammore
mi piace cchiù a siconda pecchè me regne o'core.

Giuliano cchiù 'e na vota m'ha chiesto na poesia
ca parlasse d'ammore pe chesta terra mia,
embè ve l'aggia scritta primme 'e chesta partita
pecchè semplicemente pe 'mme Napule è a' vita.

Carica !!! (by Zebantide)

Ma comm'e' stato?
E' 'na folla
miezo 'o campo
pareno mille,
nun danno scampo
fanno scintille
so sulo undici
fanno faville.
Chist'e' 'o Napule
contr'a Sampdoria
ca se centuplica
e pe' ffa 'a storia
parte alla carica
e fernesce ca gloria.

Scio' scio' ue' lumba'!! (by Zebantide)

Una difficile partita questa coi nerazzurri, ma se riusciamo a vincere penso che abbiamo superato una gran prova, visto quello che metteranno in campo i bergamaschi contro di noi, in campo e sugli spalti. Per cui ci vuole un gran scongiuro...

Tie', tie', ciucciue',
pierde 'e penne nerazzurre
che t'e miso sta semmana
pe te vestere da buzzurre
comm'a chella squadra 'nfama.
Tie', tie', ciucciue',
pierde proprio 'a vista e ll'uocchje
gialli e nire comm'a seccia
comm'a squadra e sti peducchje
-senza 'a curva- ha perzo 'a feccia.
Tie', tie', ciucciue',
ca se ne hanno da cade' l'ogne
accussi' nun puo' fa male
e sti topi e dinto 'e fogne
gol pigliano a quintale.

Parma-Napoli - "caccia all'uomo..."

L'ultima volta è stata "una caccia all'uomo....", il Parma andò in B....attenzione a quello che ci aspetta domani....

undici, undici, undici leoni.... (by Zebantide)

Risvegliamoci...sennò andiamo in apatia....!
Eccovi un capolavoro di Gennarino !
------------------------------------------------------
Dura lex, sed lex.....


Ve piacesse, parmiggiani,
ca fernesse comme a Catania,
ma pe nnuje vuje site 'nfami
site gente da Padania,
e pircio' nun v'allummate
chella 'e Tanzi e' storia antica
chine 'e 'mbruoglje e de 'nfamate
p'o Verona ca v'e amica.
'E culure song 'e stessi
'a cazzimma ve cummanna
ma facite cape e cess
mo ca 'o Napule ve manna
a ffa 'a stessa fine 'e merda
'e chill'ati cumpagnielli
chelli belli facce verde
cu nu core 'e pecurielli.

Dr Jeckill & Mr Hide

Il ds l'ho gia' scelto,
torneremo sul mercato
-dice Dela svelto svelto-
ora voglio il nuovo stadio!
Quanno parla 'o presidente
scoppia sempe na' bufera
'e giurnale so cuntente
si sproloquia fine 'a sera!
"Stu lavezzi e' nu fetente,
va' cercanno nu milione-
si', ma nun capite niente,
chillo 'o Pocho e' nu campione!"
'A matina dice e' forte,
ma po' appena s'impappina:
"Vafammocc'a chitemmuorte,
chist'e' proprio na' mappina"
Cull'esempio do' guverno
oramai gia' s'e' 'mparato
ogni palla senza scuorno
po' smenti' e s'e' apparato.
cu na' bella differenza
ca si po e' napulitane
'e faje perdere 'a pacienza
nun arrivi cchiu' a dimane!

Che vergogna...

Partimmo mo' d'o capo co Bologna,
levammece da nnanz'a sta scalogna,
cacciate mmiez'o campo a fore l'ogna
ascimme ambress'ambressa a dint'a sta fogna,
se sape ca dummeneca e' na rogna
pecche' nisciuna squadra cca' se spogna
ma si po' Quaglia molla na' cutogna
tutta Napule allucca "'nzogna,nzogna!".