Stamattina. Ore 8.00. Casa Mimmop

Chi de speranza campa pò disperato more,
mammà stà 'inta a'cucina: fà pasta e pummarola
o' figlio, già trent'anne, guarda a televisione
do Napule è malato ma è nu buono guaglione.
A mamma se n'accorge ca o'figlio sta nervuso:
Mimì, bello a mammà, che cazzo t'è succieso?
Mammà n'te preoccupa, n'è niente è fessaria.
Mimì te saccio buono, tu tiene a malatia:
o'Napule a Milano comme a tant'anne ffà
e tu vulisse vencere pe riturnà a' sunnà
però saje che è difficile, ca sonne nu squadrone
a te te piace o'Pocho ma nun è Maradona.
Mammà te voglio bene, fà pasta e pummarola
però sabbato 'e sera famme nu poco 'e brolo.
Mimì vuò stà liggiero pe nun te 'ntessecà?
No voglio sta liggiero pecchè pò aggia zumpà,
quanne 'e Sabbato sera a' palla dinte a' rezza
a votteno sicuro Gargano e pò Lavezzi.