O'raggiunamento

Ma chi ce dice a nuie ca tutto stà già scritto?
pecchè si accussì fosse già se sapesse tutto.
A' vita è bella proprio pecchè è strana
e chello ca sai oggie nun vale già dimane,
è tutta na sopresa e nun può prevedè
chello ca pò succedere all'ate o pure a' te.

E fosse troppo bello sapè già ca succede!
Tu alluntanasse o'male, pigliasse sulo o'bene.
Si je già sapesse primme, quale fosse o'destino
invece 'e faticà, scrivesse na schedina
oppure o'banculotto pigliasse na cinquina,
invece jetto o'sangue e corre comme o'pazzo
pecchè pe' chi se ferma so' cacamiente 'e cazzo.

Si stu raggiunamento è valido pa' vita
esattamente uguale è pure na' partita.
Ma chi ve dice a' vuje ca se perde a Milano?
Diceva a' nonna mia mentre cuseva a' mano:
Mimì, bello da nonna, a' primma cosa è a'fede
tu impegnati, cumbatti e aspietta che succede.